Yobkwi 60:3 - NTSHOB NSI

³ O Nsi, o lo tèn yage, nsate yage. O lo ya ntù, bèn mbù'te yage!

Yobkwi 60:3 Iomraidhean Croise

Néhémi 9:32

Ndonni me Nsi yag, Nsi ndùb, z'a ghù ngù' mbe Nsi nekuni là, wù z'o be ndé' kàn so, nke ngù kondèn nà, kà yen nge' yag li mba metsit nu là. Me tshob à nge' tse bag yene, bag, fenfen tshage, kamkam tshage, ghale'te Nsi tshage, ghatshob ntshob Nsi tshage, tà tshag mba njoṅ ngô fa là. Tshen nge' là na' nto't'a fe num ze ngelaṅ fenfen Asiria tà nse' nkum sen lé'njù li.

Yobkwi 71:20

O laṅte yag mum nge' mba ngùtni yàme. Là, o nsi bèn fà yôg bag. O nsi ghù bag tum ntùm ngem mi a mum tsha' là.

Yobkwi 75:8

Là Nsi b'a ngatsho'te ntsha. A be ma' mo' mèn nsi, mbù' mo' mèn tù.

Yobkwi 80:4

O Nsi, bù'te yage! Ghù ndù se o ké' num bag ndù bag ghù njôge.

Yobkwi 80:8

Nsi tàndà ntsho, bù'te yage. Ghù ndù se o ké' num bag ndù bag ghù njôge.

Yobkwi 85:5

Nsi ngayôg yag, bèn mbù'te yage. Kôgte yantù z'o ghù num bag là.

Yobkwi 89:39

Mba ndùlala, o lo ghua'a, ntène. O lo ya ntù mèn o z'o yo' mfèt là.

Esaya 51:17

Yérusalém, bame, bam num miaglo, lo nsi. Wù z'o nu ntu' yantù z'a tum bu Tshùaben, wù z'o fin ntu' là tà nkum bwe tse ts'a be nshùmte miag mèn nà.

Esaya 51:22

Tshù ju ze Tshùaben o, Tshùaben Nsi z'a tshwèt ntshètte nzwit mèn i tshob li: M'a' kwé ntu' z'a num mfà shùmte miag là bu o. M'a' kwé ntu' yantù àm wù, o ke bèn nenu i.

Yérémia 25:15

Tshù mba Tshùaben, Nsi Israél tshob me li: Lo' yen ntu' li bu àm, ze ndu' yantù àm dun ntùm bwe là, nèn mfà njoṅ ngôngô fa tse me nsi tum o mbaṅ bo là bo nu.

Nsindàvù 4:21

Ngon Edom, tsiaṅte, be ntùm ṅwate. Nzwi ngô Uts, bo nsi lo' ntu' tshùa yi mba mbaṅ o yu. O nsi bum i, bo tèl o tù tunntôg.

Daniel 9:12

A ghù ntshob mi a na' ntshob num bag mba num fenfen tse bo ke ntô yag là bumte. A ghù mo' mà nge' ndùb se' num bag, nge' ze lèn i ke' yoṅ nto' fut'é tun bam kamànyam nà. Lèn yen nge' là se' num Yérusalém.

Habakuk 2:16

O a' ghù njwèt tuswe, ke b'a ghamte. A bwô mba wù yu nu, mbe tunntôg, ntswite wul o, nummbe ntu' Tshùaben z'a mum bu i ze zwim nà kaṅ nke ndôt'a wù, tuswe kebwô nsi kabte ghamt'o!

Apokalipse 16:19

Ngô ndùb ghabte bag tat, ngô ghakeban Nsi vùte. Bo kwimte Babilon ze ndùb mbwe Nsi ndù bo fà ndu' zwentù yantù Nsi yi.

Apokalipse 18:16

tshob ndù: Ngô ze ndùb, wù z'o num nket nzwe mebwô, ze tanjoṅ, mba ze meba, wù z'o taṅ gol, ndoṅ tanjoṅ mba ntôgntse là, nge', nge' num wù,