Yobkwi 59:5 - NTSHOB NSI

⁵ Mba mba me b'a mbu' là, bo tshwèt nkù nde, nke nabte wut yub. Bam num miaglo. Se' be bumte, lôte njene!

Yobkwi 59:5 Iomraidhean Croise

Neto'te 33:20

A bom tômbwôg le'te Nsi bwe, njab lén se ndù El-Elohé-Israél, Nsi b'a Nsi Israél.

Yobkwi 54:3

O Nsi, tshùa njam lén so njôg àm. Tshùa njam yu neta, ngù nunetsin me!

Yobkwi 55:15

Be lo ke ntamte njôg à ntùm fite. Bag à bin bwoṅ benntùn lo ke nèn ntùm Ndà Nsi!

Yobkwi 7:7

Tshùaben! Lo tù ntùm yantù o. Lo tù num tshùagntù ghama'ni àm. Bam num miaglo njwimt'àm, ngù netsho'te ntsha be!

Yobkwi 80:4

O Nsi, bù'te yage! Ghù ndù se o ké' num bag ndù bag ghù njôge.

Yobkwi 84:8

Neta yub be nkwi'te ngelaṅ bo be nzin nà. Bo be ntsin mbwe Nsi mà Sion.

Yobkwi 9:15

ndùlala ndù me soṅ njoṅ nkuni mu fa nsém Sion, mbèn ntsiaṅte num yôg s'a fe wù là.

Netume 20:5

Kà vù nsi mbwe tshen nsi là, ke fa' bo, nummbe me bèn mbe Tshùaben Nsi o, Nsi ndànghe'e. Me be naṅ ntsha tu ba tà boa bon num zwiaṅ tat ke zwiaṅ kuà lo, a be ze bo bàn àm nà.

Netume 3:15

Nsi bèn ntshob Mosé ndù: O nsi tshob bon Israél ndù: Tshùaben Nsi tà tsine, Nsi Abraham, Nsi Isak, Nsi Yakob bèn ntum àm mbaṅ bin. Tshù lén sàm nà num njoṅ zwiaṅ njù fa, a mba bo nsi tù' ke ntsiaṅ àm nà.

Esaya 1:10

Fenfen ngô, bin tse bin b'a mba fenfen Sodom nà, bin ju' ntshob Tshùaben. Ngô, bin tse bin b'a mba ba Gomora là, bin kù' ntoṅ nju' ntshù' Nsi yag.

Esaya 27:11

Ndùse mbu ntù nsi jum nà, bo nsi be'te, bènnzwi se' nso mbwôg bwe. Nummbe yen nzwit mèn nà ke' ghù nkwate. A ndùlala ze Mbom i ke' ko ndèn mi là. Mèn z'a nabt'é là ke' tshàm ndèn mi.

Yérémia 18:23

Là wù Tshùaben lèn njoṅ ntsham kebwô fa mi bo tsin num àm nà. Kà lagte men mfànnu li bo. Nukebwô yub ghô num miag mu matmat. A bwô ndù o ma' yub nsi mbwe o! Yab nge' num bo num ngelaṅ ze yantù o nsi kamte là.

Daniel 6:7

Ndùlala tshen ghatô boa tshen tàmànjô li kù nde nèn mbwe mfen, ntshob yi ndù: Mfen Darius tswe matmat!

Amos 9:7

Tshùaben tshob ndù: Bon Israél, bin ke' be m'a mba bon Etiopia là ké? Me lo ghù Israél tum mà Egipto, ba Filistia tum Kaftor, ba Aram tum Kir ké?

Roma 9:6

Yen nà ke b'a ndù ntshob Nsi vù nsi; nummbe njoṅ benntùn fa tse bo tum num Israél là ke bèn mbe ba Israél;

Yakobo 2:13

Netsho'te ntsha ke' ghù kondèn num mèn z'a ke' ghù kondèn nà. Kondèn be nta' nsoṅ mbwe netsho'te ntsha.