Yobkwi 59:12 - NTSHOB NSI

¹² Kà zwi yube, mbwôg ndù kà yàm nzwit mèn lagt'é. Tshùa njam ngù' o ngù bo ke ntsha, o ma' yub njam, me Tshùaben, wù z'o be yag tshètntsho là.

Yobkwi 59:12 Iomraidhean Croise

ṄWA'NI YOB 12:24

A num nkwé nkwate fenfen ngôngô, ntshag yub num kônkwa ke manze bo bi.

Yobkwi 10:2

Ngayennge' b'a bu nkummbàa ntùm ko'tewut ghatshùagntù, a vù ntùm nkù z'a dù' là.

Yobkwi 10:7

Neso ndon, tatte mba fùte dun ntshu i. Nukebwô mba mfànnu num num lém se.

Yobkwi 79:12

Ba' tshabte ba ndùla' bag bo yoṅ sammbàa tà ntùm ntù tshobe. Me tshob à tshabte tse bo na' ntshabt'o yi là me Tshùaben!

Tànkùt 11:6

Nunetsin ben ndaṅndaṅ be ntshu' yube, là nukebwô ghatshùagntù be ngom yube.

Tànkùt 12:13

Mo' ywi' kebwô num ntùm nukebwô nkub ntshu, là mèn netsin be ntum tse ntùm nge'.

Tànkùt 18:7

Ntshu nkagni be nso i kame, nkub ntshu mi b'a ywi' num yôg se.

Tànkùt 6:2

a be ze ntshob mi a tum ntshu o kul o là, mba ntshob mi a tum ntshu o là nsi ghom o.

Nsindàvù 3:62

Nju' ntshob ghamaṅt'àm boa ntàmtenu mub mi bo ke ntàmte num àm mba sit lé'njù lo là.

Ezékia 12:16

Là me nsi faṅ bon ndô benntùn, tse bo nsi tum ntshu ṅwi, tum ntshu kua mba ntshu keya' là. Ndùlala ndù bo soṅ njoṅ bagkèt mfa' mub fa netèt ngô tse bo nsi nèn bwe là. Yen ngelaṅ nà bo nsi lèn ndù me b'a Tshùaben.

ṄWA'NI OSÉ 4:2

Bo be nkàn mfe netèt bo bo, nke ntshob tatte bo bo. Bo be nzwi, bo be njéé, bo be ngù màndà, bo be mfètte lem, bo be ndo' lem ntam lem yi.

Sofoni 3:11

Mum sen lé'njù là, tuswe ke nsi bèn ko o num mfa' mu, mi o tshùa njam bwe ngù nukebwô me là; nummbe me nsi sô ben tse bo ke ndo' ka'te ntshùa ntsho yi là netèl o, yen ngelaṅ nà o ke nsi bèn ko'te wut num mbal àm ze nelàne.

Matio 27:25

Njoṅ benntùn fa bùnte, ntshob ndù: Lem tse tsho tu bag mba tu bon tshage.

Matio 27:63

ntshob yi ndù: Tshùaben, bag kwimte ndù yen ngatatte là lo tshob ngelaṅ z'a ke' ntùn nà ndù: A nsi be tshùa lé'njù tat, a lo num vù.

Lukas 23:5

Là bo bèn ntshob kua' neta ndù: A num nke ntshu' tu benntùn, nke ntswite ntùm njoṅ ngô Yudéa fa, mbe ndù a to' à fe Galiléa, nse' nkum nsen ni.