Yobkwi 57:1 - NTSHOB NSI

¹ Ntshagte yobkwi. Kà sate. Yobkwi David. Ndùs'a kù ndem mum ngabloṅ ngelaṅ Saulo ke nta' i là.

Yobkwi 57:1 Iomraidhean Croise

Yobkwi 125:1

Yobkwi ko'ko'. Ben tse bo yab ntù num Tshùaben nà b'a mba mbat Sion ze ju ke' ghù nenyi't'é, z'a tswe matmat là.

Yobkwi 13:5

Ndùlala kà ngakeban tshob ndù: M'a' tshùa i, mba ndù kà ghakeban tshàm tsiaṅte ngelaṅ me tiag là.

Yobkwi 142:1

Yobkwi David. Ngelaṅ a na' mbe num ngabloṅ nà. Le'te.

Yobkwi 2:12

bin tate nku mi, mbwôg ndù k'a ya ntù, ndù kà bin bi num zin manze. nummb'a tù' mén nda'nda' yantù i kame. Mènfen b'a mèn z'a be njab ntù i num i là.

Yobkwi 36:7

Yu nunetsin be à mba mbat Nsi là, tsho tsho'te ntsha be mba ghem ndùb là. Tshùaben, o be ntomte benntùn mba ba nyàm.

Yobkwi 56:1

Ntshagte yobkwi. Yobkwi David. Ngelaṅ ba Filistia na' ngom i mà Gat là.

Yobkwi 58:1

Ntshagte yobkwi. Kà sate. Yobkwi David.

Yobkwi 59:1

Ntshagte yobkwi. Kàte sate. Yobkwi David. Ngelaṅ ze Saulo na' ntum bo lam ba' mbume, nke ndiag nezwi David là.

Yobkwi 61:4

Nummb'o b'a yàm ndàlem, yàm ba' nebéb ngô ze neta, z'a tsin mbwe ngakeban nà.

Yobkwi 63:7

Me be nô num kunndà sàm nkwimt'o, nkwa nu num o njoṅ tèttswe' fa.

Yobkwi 75:1

Ntshagte yobkwi. Kà sate. Yobkwi Asaf.

Yobkwi 9:10

Tshùaben, a bwô ndù o be neta dù' z'a be njennge' lem bwe là, neta dù' z'a be mèn lem bwe ngelaṅ ngùtni là.

Yobkwi 91:1

We z'a be ntswe bam netshaṅ Nsi z'a tà mfe tù, nke mfite bam netshaṅ Nsi Nganeta à?

Yobkwi 91:4

A nsi lo' mfe mi kabt'o yi. O nsi fon ndàlem bam mbàb mi. Nenùn i b'a tshètntsho mba nzwe tùne.

Yobkwi 91:9

Nummb'o b'a yàm ndàlem me Tshùaben! O be ndo' Nsi z'a tà mfe tù là ngù yu ndàlem yi.

Esaya 10:25

Là, a tù' metsil i me be ke bèn naṅ ntsha tu mèn, a tshùa ndùlala yantù àm kaṅ njam num i, me biagt'é.

Esaya 26:20

Yàm nzwit mèn, nèn ntsho ntùm to'ndà o, mfùn nzendà num o. Lem wul o num tsemo' bon ngelaṅ, tà nkum ndùse yantù nsi tshùa là.

Esaya 50:10

Mba we lo netèt bin z'a tshwèt mbwôg Tshùaben nà ju' nze ngafa' i! Mba we lo z'a tshwèt nzin ntùm njame, nelàn bwoṅ yi là yab ntù i num lén Tshùaben, nke njé'te num lén Nsi i.

Matio 24:22

A be ze bo ke' sébte tshen lé'njù là là, mba sàm mènntùn ke nsi yôge. Là, a tshùa num ben ts'a tsho' yub là, nsébte tshen lé'njù là.

Lukas 13:34

Yérusalém, Yérusalém, wù z'o num nke nzwite ghatshob ntshob Nsi, ntamte ben tse bo tum yub wù là ndoṅ nà, a yoṅ si' mba me diag netse'te bon tsho ndaṅndaṅ mba mà ngab be ntse'te bon tse tun mbàb mi, bin ke kô à?

Yohané 16:20

Kua' nenùne, kua' nenùne, me tshob bin ndù: Bin nsi kua', làne, là njù nsi tsiaṅte; bin nsi tswe zwe, là sin zwe nsi kaṅ tù' tsiaṅte.

Nebwôgte 9:26

Me le'te Tshùaben ntshob ndù: Tshùaben, kà biagte yu nzwit mèn, ntsi' mu, z'o tshùa njam yu nezi ntshu' i, ntshùa njam bu o ze neta nsô i Egipto là.

Apokalipse 21:4

A nsi tshwétte njoṅ ntsenyà fa miag bo; vù ke nsi bèn be, ntsenyà ke nekua' ke ya lo ke nsi bèn be, nummbe ba mbwe tshu tôg.

Apokalipse 7:14

Me tshob yi ndù: Tshùaben àm, o lène. A tshob me ndù: Tshen ben ni fe à ntùm nge' ndùb, bo sôg nkum mube, ngù a fôg ntùm lem mén njùmbwe.

ṄWA'NI RUT 2:12

A bwô ndù Tshùaben ghù wù mb'o na' ngù yu là, ntsho'fa' mi a dun nà fe Tshùaben mbe wù, Tshùaben, Nsi Israél z'o se' nsen ni ndù o lem tun mbàb mi là.

1 Samuél 22:1

David lo nsen nà, nkù nèn ndem ntùm ngabloṅ z'a Adullam nà. Fèt tse ju' mba njoṅ tunndà tàab fa, nswe' nèn mbaṅ i.

1 Samuél 24:3

Saulo lo' ghama' ntsho ntsha' tat netèt ba Israél, nèn boa bo, ndiag David boa ben tse tà nèn nkum num ngondoṅ mfot mbwe tshwèt.

1 Samuél 24:4

A kum num nkin mbwe mi a be mbaṅ manze là; mo' ngabloṅ lo be bwe, a tsho bwe num neghua' bu i. David boa ben tse na' mb'a ntùm ngabloṅ nà.

1 Samuél 24:8

David tshùa num men ntshob là ntshètte ben tse, ke bam bo tsho' ngwù num Saulo. Yen nà be tôg Saulo tum ngabloṅ ndo nke nèn tse.

1 Samuél 26:9

Là David tshob Abishai ndù: Kà zwi i! Nummbe mèn ke bwe z'a b'a yab bu num mèn ze Tshùaben yo' i tà ke ket ndon nà.