Yobkwi 56:4 - NTSHOB NSI

⁴ Ngelaṅ me be ntùm bwôg là, mba m'a' yab ntù àm num o.

Yobkwi 56:4 Iomraidhean Croise

2 Kronika 20:3

Ntùm bwôg Yosafat nabte wul i nediag Tshùaben, ngù njoṅ ngô Yuda fa tswe nziku'u.

2 Kronika 20:4

Yuda tse'te num netsiaṅ lén Tshùaben. Bo fete ntùm mi ntusô Yuda fa nse' ndiag Tshùaben.

Yobkwi 118:6

Tshùaben b'a num yàm njam, me ke bwôge, ke ze mènntùn ku'ni neghù m'à?

Yobkwi 119:160

Tun ntshob mu b'a nenùne. Njoṅ ntshù' yu nunetsin fa tswe matmat.

Yobkwi 12:6

Tshùaben tshob ndù: Mba bo tshwèt mfétte ghayennge', bwoṅbwoṅ nke mfam nà, me lo nsi ndonni neywimte mèn ze bo tshwèt mfétte là.

Yobkwi 138:2

Me be nkwim ntunkekwi' màm nsi mbwe ndà o ze nelàne, me be ngamte lén so, num kondèn o mba num nenùn o, nummb'o lo ghù ntshob mu ju'ni, mbù't'é num njoṅ tshu fa.

Yobkwi 27:1

Yobkwi David. Tshùaben b'a yàm nelàne, mba sàm yôg: Be me bèn mbwôg à we? Tshùaben b'a ntom yôg sàm: Be we kag bwôg num àm à?

Esaya 31:3

Ze Egipto b'a mènntùn, a ke' b'a nsi; tse nyàmdiaṅ b'a mbàb, bo ke b'a ywèle. Ngelaṅ ze Tshùaben nsi nyit bu i num ngakabte k'a tiag là, mba mèn z'a kabt'é là nsi vù nsi. Ntu tshob bàa fa nsi tamte bi.

Esaya 41:10

Kà bwôg sàm ju, nummbe bag wù bèn mbe. Kà ke ma' miag ngabwôg, nummbe me b'a Nsi o. Me so neta num o, me se' ywimt'o; me lo' bu àm ze tshùa ntsho ze zwim ntomt'o yi.

Yohané 10:35

Ṅ, Nsi tshob ndù ben ts'a tshob ntshob mi bo là b'a ba nsi, (be mèn ke ku'ni nebagte ṅwa'ni Nsi);

Héber 13:6

A ndùlala, be ghù nefèn ntù ntshob ndù: Tshùaben b'a ngaywimt'àm, me ke nsi bwôge. Mènntùn ku'ni neghù ke m'à?

1 Samuél 30:6

David b'a ntùm sobni ndùb, nummbe ngô lo ke ntshob mbe bo a' tamte David ndoṅ. Njoṅ yub fa lo b'a ntùm zwentù, mba we lo be ndùlal'a num nshum tse boa ngonngon tse. Là David tshùb fènntù, njé'te num Tshùaben Nsi i.