Yobkwi 54:1 - NTSHOB NSI

¹ Ntshagte yobkwi. Num ndoṅ nse'e. Yobkwi David.

Yobkwi 54:1 Iomraidhean Croise

2 Kronika 20:6

Ntshob ndù: Tshùaben, Nsi tà tshag, o ke' b'a Nsi mfe kamànyam ké? O ke bèn nke ntô njoṅ nufen ngôngô fa ké? O ke bèn ngù neta bo ngù' ké? A ke b'a wù là ze mèn ke' ku'ni netùn mbwe o là ké?

Yobkwi 20:1

Ntshagte yobkwi. Yobkwi David.

Yobkwi 26:1

Yobkwi David. Tshùaben ghù nunetsin me! Nummbe me ke nzin à ntùm mebwô. Me yab ntù àm num Tshùaben, me ke zi ntiage.

Yobkwi 48:10

O Nsi, bag be nkwate kondèn o ntùm ndà o.

Yobkwi 79:9

Nsi ngayôg yag, ywimte yag num ghamte lén so! Tshu' yage, ndagte nukebwô tshag num nu lén so!

Yobkwi 99:4

A ta neshu, mfen z'a be nkô tsho'te ntsha là. A b'a wù bèn nke mféb nga nunenùn nsi. O be nte nunetsin mba nu ndaṅndaṅ, nke ngù njoṅ i fa Yakob.

Netume 23:21

Zete num i, nju' ntshu i; kà ta tu yi, nummbe mb'a ke nsi fènte tse. Lèn ndù lén sàm num num i.

Tànkùt 18:10

Lén Tshùaben b'a mba mà nesà ba' là; mèn netsin be nkù nèn ndem bwe, ke bèn mbwôg tse sàm ju.

Tànkùt 23:11

nummbe Tshùaben z'a be njagte mba' yub là b'a nga ngù', a yi bèn lo nsi num o, tshètte yub njam!

Esaya 30:27

Tshù, mèn z'a tshwèt nse' tà ngùanesà là lén se b'a Tshùaben. Tshùagntù i tshwèt ton dù', yantù i nke mfam dù' à nefame. Yantù tshwèt ngù nkub ntshu mi mvètte, lém se b'a mba mbwôg z'a tshwèt nkù dù' là.

Yérémia 50:34

Nda' ndù ngatshu' yub b'a mèn neta, yi ze lén se be Tshùaben tàndà ntsho là. A nsi tshètte yub njam, ghù mbétni be ntùm ngô. A nsi ghù ba Babilon vètte.

Matio 1:21

A nsi bwe mén mandum, o tswi lén se ndù Yésu. Nummbe a nsi bèn yôg ben tse num nukebwô tshobe.

Matio 1:23

Tshù, ménngon nsi be jùm, bwe mén mandum, bo tswi lén se ndù Emmanuél, yen nà bagt'a ndù: Be à Nsi bèn mbe.

Matio 10:21

Mèn nsi ghù bo zwi mfèl i, tà ghù bo zwi mén i. Bon nsi ya ntù tà yub mba mà yub, zwi yube.

Mfa' Ghantum 4:12

Yôg ke mo' mènghua, nummbe tun bam kamànyam, mo' lén mènghua ke bwe se bo na' mfà benntùn ndù be tshùa bwe nse' njôg là.

1 Samuél 26:1

Tsemo' ba Zif nèn mbaṅ Saulo Guibéa ntshob yi ndù: David lem num kônga Hakila mbwe kônkwa.