Yobkwi 53:6 - NTSHOB NSI

⁶ Bo nsi vètte ntùm bwôg, ndù bwôg ke' ne mbe. Nsi a' sate mvôg ghamfùm. O nsi zwiaṅte yube, nummbe Nsi ghua' yube.

Yobkwi 53:6 Iomraidhean Croise

Esdra 3:11

Bo nke njob kwi, ngamte, nyàmte Tshùaben ntùm men ntshob li ndù: Tshù, Tshùaben b'a mèn mebwô, kondèn i num Israél ghô matmat! Njoṅ ngô fa nke ntshag nze yub tù ntùm tsiaṅte ngamte Tshùaben nummbe bo tshwèt ma' tun ba' Ndà Nsi.

Néhémi 12:43

Bo zwite ba nyàm yàm num sen lé'njù là, nke nde'te Nsi yi, nke ntsiaṅte, nummbe Nsi na' ghù bo ṅwate neshu; bènnzwi boa bônke' bèn nke ntsiaṅte yub, benntùn nke nju' mba ba Yérusalém tshwèt ntsiaṅte là tà ngùanesà.

ṄWA'NI YOB 42:10

Tshùaben ghù Yob bèn mbe mb'a na' nto' be là, ndùs'a le'te Nsi num tu shun tse là. Tshùaben bèn mfà tshu yi njoṅ ts'a na' mbe là yoṅ tse bàa.

Yobkwi 14:7

O, we z'a nsi ghù ndù netshu' Israél tum mà Sion à? Ngelaṅ Tshùaben nsi lo' kuan ze nzwit mèn bèn yi njam nà, Yakob nsi ṅwate. Israél tsiaṅte.

Yobkwi 50:2

Nsi tsin mà Sion, dù' z'a bwô miagte là, nke nziage.

Yobkwi 85:1

Ntshagte yobkwi; se bon Koré.

Tànkùt 28:1

Ngatshùagntù be nkù ndù mèn ke' ta' i là mèn netsin num ntswe ke ke mbwôg sàm ju mba metshab ngwayit là.

Esaya 12:6

Ben bo be Sion nà tshag nze yub tù ntùm tsiaṅte, nke ṅwate! Nummbe ze Mèn Nelàn Israél b'a mèn ndùb netèl o.

Esaya 14:32

Ke ze bo nsi bùnte tshob ghantum yen ngô l'à? A bwô netshob ndù Tshùaben bèn nte Sion mba ndù ben nke'nke' ntùm ze ngô be mfon ndàlem à bwe.

Yérémia 30:18

Tshù mba Tshùaben tshob li: Me nsi lo' kuan tse bo ntùm ntàb Yakob là bèn yi njam. Me ghù kondèn num tse dù'ntswe. Bo nsi bèn kut tusô num tse fam. Bo nsi bèn kut ntshwèl à kua' mb'a na' mbe mbwe là.

Yérémia 31:23

Tshù mba Tshùaben tàndà ntsho, Nsi Israél tshob li: Bo nsi bèn tshob ntùm ngô Yuda boa ntusô mi, ndùse me nsi lo' ben tshob bo be kuan bèn yi njam nà ndù: Dù'ntswe nunetsin, mbat nelàn, a bwô ndù Tshùaben tam ntse wù.

Yoél 3:1

Yen nà nsi be tôg me naṅ ywèt tshàm num njoṅ benntùn fa. Bon tsin tse bandum mba tse bènnzwi nsi be ghatshob ntshob Nsi. Tsin ywèn benntùn nsi zi njem, tsin bonnshum yen njem.

Lévitiko 26:17

Me nsi tsho' lag sàm num bin, ghakeban tsin kab mbu num bin be kua' num miag mine; ghakeban tsin nsi tô zine, bin ke nkù ke be ndù mèn ta' zine.

Lévitiko 26:36

Me nsi ghù bwôg dun ntù ben tse bo nsi ke' ntùn nà ntùm ngô ghakeban tshobe. Futù nsi nyi'te bo tsho' nkùù; bo nsi kù kua' mba bo num nkù mbwe ṅwi là, vù nsi, ke be ndù mèn tshwèt nta' yube.

Amos 9:14

Ndùlala me nsi lo' kuan yàm nzwit mèn Israél bèn yi njam; bo nsi bèn kut ngô tse bo sate là, bèn tswe ntùm bwe; bo nsi bwe nkùa, nu ndu' mi; bo nsi bwe nka', jù ntàm mi.