Yobkwi 53:5 - NTSHOB NSI

⁵ Ghakeban ke' bèn neghù zenu ké? Bo be njù yàm nzwit mèn, ndo' i ngù jujù yub yi. Bo ke' be tsiaṅ lén Nsi.

Yobkwi 53:5 Iomraidhean Croise

ṄWA'NI YOB 15:21

Nze bwôg be ntam num ntoṅ mi. Ngasate dù' be nkab mbu num i mba ntùm ngelaṅ fite.

Yobkwi 14:5

Bo nsi vètte ntùm bwôg, ngelaṅ Nsi nsi ṅwag netèt nzwit mèn netsin nà.

Yobkwi 141:7

Mvôg mub nsi sate mbu' ngô fe ben mba ngelaṅ bo tshwèt ndù' tsha'a, nke ntshu' i ntu'ntu' là.

Yobkwi 2:4

Mèn z'a tswe num ko'fen mfe kamànyam nà zwi tse. Tshùaben tshabte yube.

Yobkwi 35:26

A bwô ndù tuswe ko njoṅ benntùn fa. Ben tse bo tshwèt ntsiaṅte num nge' àm nà! A bwô ndù tshabte mba tuswe tsho num ben tse bo be ndo nsi num àm nà.

Yobkwi 35:4

A bwô ndù tuswe ko ben tse bo be nkô nezwi àm nà. A bwô ben tse bo be ndiag nebiagt'àm nà be bènte njam nja ntù.

Yobkwi 40:14

O Tshùaben, a bwô ndù o tshu' àm! Tshùaben se' ndende njwimt'àm.

Yobkwi 73:20

Bo bit'a mba njem nkebnjù, ze mèn be mbe bam num miaglo njoṅ ndagte ntshùa mi là.

Tànkùt 28:1

Ngatshùagntù be nkù ndù mèn ke' ta' i là mèn netsin num ntswe ke ke mbwôg sàm ju mba metshab ngwayit là.

Yérémia 49:15

Nummbe me nsi ghù o tù' metsil o netèt ngôngô, bo ke ngwag o netèt benntùn.

Yérémia 6:30

Bo ke ntsiaṅ tshen ben n'a silba newage, nummbe Tshùaben ghua' yube.

Nsindàvù 2:6

A sa ntàb i mba ta' nka' là. A sate dù' mbumt'é. Tshùaben ghù bo lag ba jùa bo Sabbat mà Sion. Tonte yantù i ghù a ghua' mfen bo ngale'te.

Ezékia 6:5

Me nsi yabte fe bon Israél mbwe neto tshob tse nesagte, sate mvôg min lo' diaṅ ntômbwôg le'te nsi min yi fa.

Lévitiko 26:17

Me nsi tsho' lag sàm num bin, ghakeban tsin kab mbu num bin be kua' num miag mine; ghakeban tsin nsi tô zine, bin ke nkù ke be ndù mèn ta' zine.

Lévitiko 26:36

Me nsi ghù bwôg dun ntù ben tse bo nsi ke' ntùn nà ntùm ngô ghakeban tshobe. Futù nsi nyi'te bo tsho' nkùù; bo nsi kù kua' mba bo num nkù mbwe ṅwi là, vù nsi, ke be ndù mèn tshwèt nta' yube.

1 Samuél 14:15

Bwôg vù ntùm mbàn, ntùm yen dù' là, mba netèt benntùn; mbàn fa boa fimntshu b'a ntùm bwôg. Dù' nyi'te. Mo' bwôg mba z'a fe a Nsi là ghom ngô.