O ke' zin a nda' num tshob manze, ke ghù a nda' ngùninu mi a bag ntshùate mba bo là. A lo mb'a ndùlala mba yen nà kag. Là, o lo bèn mbag num tsho manze tà nga' mbu.
Mbe se' mba Samaria là, nukebwô tse ke' be mba nda' kam tsho nukebwô. Ngùninu mu mi a bag ntshùate là yàm ntshùa mi; o lo tshùa njam men ngùninu là nda'te mbe ngon mà tsho ke' fàn tshob nu.
Là tu wul àm, me tshob bin ndù: Mèn z'a ya ntù num mfèl i là, mba bo a' tsho't'é ndàntsha; mèn z'a tshob mfèl i ndù: nkagni là, mba bo a' tsho't'é mbwe ndàntsha ndùb; mèn z'a tshob yi ndù mbabun nà, mba bo a' tsho'te ntsha i, ma' i ntùm dù' mbwôge.
Nummbe mba mba bo lèn Nsi là, bo ke' ghamt'é mba Nsi là, ke labt'é, là nkwatenu mub lo' yub nèn yi num tshu banban, ntù tshob tse kagni sènte ntùm njame.
Kà ghù mba bo là num miag Tshùaben Nsi o, nummbe ju ze Tshùaben num mbàne, ju z'a num mbag i là, tshen ngô là lo ghù tshen tshu là nsi tshobe, nke nton mba tshob nshum boa tshob ngon ndo' ngamte yub yi.
Nummbe, a lo be mbwe, bin nke ngù ze nekô ghakelèn Nsi, yen ngelaṅ nà ze bin na' nke nzin ntùm ngùa, ghe'te, nebum ndu', nejù yàme, nenu yàme, ṅu'u, neghamte nsi neto là, yen ngelaṅ nà ku'u!
