Yobkwi 52:1 - NTSHOB NSI

¹ Ntshagte yobkwi. Yobkwi David.

Yobkwi 52:1 Iomraidhean Croise

Yobkwi 10:7

Neso ndon, tatte mba fùte dun ntshu i. Nukebwô mba mfànnu num num lém se.

Yobkwi 103:17

Là bwôntù Tshùaben num ben tse bo be mbwôg i là, njoṅ ndù fa. Nunetsin ke be mi num bon mba bon bon tshobe,

Yobkwi 107:1

Bin ghamte Tshùaben, nummb'a b'a mèn mebwô, nummbe kondèn i be ntswe matmat!

Yobkwi 54:3

O Nsi, tshùa njam lén so njôg àm. Tshùa njam yu neta, ngù nunetsin me!

Yobkwi 59:7

Bo be mbèn nse' mfetnjù, bo be ntô mba mbù là, ndiaṅ ngô mbume.

Yobkwi 7:14

a ghù tshuntshùag vù, ngù nkét.

Yobkwi 94:4

Bo tshwèt ntshobe, bo be ndo' ka'te ntshob yi. Njoṅ benntùn fa bo be ngù nukebwô là tshwèt nyàmte wut yub.

Netume 22:9

A be ze mènntùn fà ta' kekwène, ta' nyàmna', ta' njùmbwe ke mo' nyàm no mfèl i ndù a lé' yi, nyàm nà tsho nkwù, ke mo' dù' wul i nebe' lo, ke nebi bo ke yen i là lo,

Tànkùt 6:14

A b'a nda' kebwô bèn mbe ntù i, a ke' be fite nekwate nukebwô, bo neywit ntanta nsi.

Tànkùt 6:18

Ntù z'a be ntàmte mfi' nukebwô là, nku mi a be nànte neghù nukebwô là.

Esaya 59:4

Sàm mèn ke tshwèt ntshob nunetsin num dù' i, sàm mèn ke tsho'te mb'a ku'ni là. Bo ke njé't'a num ntshob tatte, nke ntomt'a be tatte; bo be njùm mfùm, mbwe nefètte lem.

Yérémia 41:4

A be num mbatte lé'njù bàa mba Ismaél zwi Guedalia, sàm mèn ke yoṅ ndèn nà, tsemo' benntùn ntu ṅam fom

Yérémia 9:8

Lém sob b'a ta' kô nezwi mèn. Bo ke ntshob à be tatte. Bo num ntshob fite nshun yub à num ntshu, nke mbùn njwi' ntùm ntù bo.

Mika 7:3

mbu mub be mfùag wut neghù nukebwô; nkam be mbètte nuntse, ngatsho'te nke mbètte nkàbfa', ndùb nke ntswite ndaṅndaṅ ndù mba ze ntù tshwèt nkù, ndù a tshùa ndùlala nzin ku ntshù' boa bo.

Roma 1:30

nebagte lén benntùn, ghakebam Nsi, ghatshàb ntshu, ghako'tewut, ghata'nsoṅe, ghate nukebwô, ghatatu mbwe tà tshob mba mà tshobe.

2 Timôtio 3:2

Nummbe benntùn nsi be ghaghe'e, ghakô nkàb, ghata'nsoṅe, ghako'tewut, ghatshabte, ghatatu, mbwe tà tshob mba mà tshobe, ghakelèn numebwô, ghawag Nsi,

1 Samuél 21:7

Ndùlala ngafà tshule'te fà bàn nelàn David, nummbe mo' bàn lo ke be nsi k'a ke b'a tshen nà tse bo lo' mbwe Tshùaben, kà njab tse nedum bwe ndo' mbate yub yi là.