Yobkwi 51:6 - NTSHOB NSI

⁶ Me ghù nukebwô à wù tù' wù, ngù nu z'a ke' bwô là num miag mu, ndùlala o b'a mèn netsin ntùm nkeb ntsha mu, yu tsho'te ntsha b'a kelo'.

Yobkwi 51:6 Iomraidhean Croise

2 Samuél 12:13

David tshob Natan ndù: Me ghù nukebwô num Tshùaben! Natan tshob David ndù: Tshùaben lagte nukebwô o, o ke nsi kwù.

2 Fenfen 20:3

Wù Tshùaben, kwimte ndù me lo zin num miag mu ntùm neju' ntshu, ntùm nefà wut nsi ntùm ntù. Bèn nkwimte ndù me lo ghù numebwô num miag mu! Ezékia fètte ntsenyà kua' yàme.

1 Kronika 29:17

Nsi àm, me lèn o num ntswe' ntun num ntù, mbèn nke nkô nu ndaṅndaṅ; ndùlala me fà tshen tshu bwôntù li tse me kô là wù à ntù nenùne, ntùm ntù ndaṅndaṅ; ndonni ntù àm tsiaṅte neyen mba yu nzwit mèn be nsen ni nefà tse tshu bwôntù wù mb'a kô là.

ṄWA'NI YOB 32:8

Nda' ndù ywèt ts'a be num mènntùn nà, ywèt Nganeta Ntshùate bèn nke mfà nesiaṅte.

ṄWA'NI YOB 38:36

We z'a soṅ saṅ bo ke ngamt'é ndù ta'ntse Nil nsi dun à? we z'a soṅ tutu ndù mbaṅ a' lo à?

Yobkwi 125:4

Tshùaben, ghù numebwô ben mebwô, ben tse bo ghù ntù ndaṅndaṅ nà.

Yobkwi 15:2

Mèn z'a be nzin mebwô là be ngù nunetsine, nke ntshob nunenùn mb'a be ntùm ntù i là.

Yobkwi 26:2

Tshùaben, momt'àm, Tshùaben laṅt'àm. Momte zwe' àm mba ntù àm.

Yobkwi 32:5

Me lo ghù o lèn nukebwô àm, me lo ke lem mfànnu màm. Me lo tshob ndù: Me nsi bam mfànnu màm Tshùaben! O lo bwete ngùtni nukebwô àm.

Yobkwi 41:5

Me tshob ndù: Tshùaben ko ndèn màm. Yate ntù àm, nummbe me lo ghù nukebwô wù.

Yobkwi 5:9

Tshùaben, tshagt'àm njam yu nunetsine num nu ghakeban tshàm, tsiagte manz'o mbwe àm.

Tànkùt 2:21

Nummb'a b'a ben ndaṅndaṅ nsi bèn tswe ntùm ngô, ben nenùn nsi bèn ghô bwe.

Tànkùt 2:6

Nummbe nelèn bo zete ke ntum à ntshu Mbom, z'a be mfà zenu là.

Yérémia 12:1

Yérémia tshob Tshùaben ndù: O b'a mèn netsin neshu k'a ke bwô ndù bag wù fiaṅte nu. Mba tà ndùlala m'a' bètt'o ju num yu netsho'te: Numke ghamfùm nke njôg mebwô njoṅ yub fa à?

Yérémia 31:33

Là, tshù lèn kàn se me nsi wat bag tunndà Israél ndùse tshen lé'njù là nsi tôg li: Me nsi yab ntshù' àm ntùm wut yub, kit'é ntùm ntù bo; me nsi be Nsi yub, bo be yàm nzwit mèn. Tshùaben bèn ntshobe.

Yérémia 32:40

Bag à bo nsi wat kàn s'a tswe matmat là. Me ke nsi bèn sô wul àm num bo, m'a' ke ngù numebwô bo. M'a' yab bwôg àm ntù bo, ndùlala ndù kà bo bèn nke nkù àm nekùù.

Yérémia 5:3

Tshùaben, miag mu ke' ke njen à nenùn ké? O num ndab yube, bo ke ju' sàm ju. O num mem yube, bo ke kô nezi'te yu netswite. Se yub be nta ntshùa gholoṅ. Bo num nga nekaṅ ntù yube.

Lukas 11:39

Là Tshùaben tshob yi ndù: Bin ba Férésia, bin num nsôg njam mvèn ntu' mba nka, là ntù tsin be ndù a dun tshu tshô mba nukebwô.

Roma 7:22

Nummbe me num ntsiaṅte num ntshù' Nsi, kua' ntùm ntù àm,

2 Korintô 1:12

Nta'nsoṅ mag b'a kwénta mi nzentù tshag num mfà bag, ndù bag tshwèt njôg ntùm njù ntùm nelàn mba nenùn Nsi, njôg mbe mbwe bin, ke b'a ntùm zenu mbàb wut, là ntùm kondèn Nsi là.

Yakobo 4:8

Bin kù'te nse' mbaṅ Nsi, a kù'te nse' mbaṅ bin. Ghaghù nukebwô, bin sôg mbu mine; ghaghù ntù bàa, bin lànte ntù tsine.

1 Pétro 3:4

là zin nenabte wut b'a z'a lem ntùm ntù z'a ke' be bagte là: Ywèt fite mba ts'a tswe ndù kam nà; yen nà b'a ju z'a tanjoṅ mbwe Nsi là.

1 Samuél 16:7

Tshùaben tshob Samuél ndù: Kà lôt'a ntshù mi bo mb'a sag là, nummbe me ke' lo' i. Tshùaben ke' be yen à mba mènntùn num njen ze là; mènntùn ke njen à z'a bwô num miag là, là Tshùaben nke ndôt'a ntù mèn.