Yobkwi 51:5 - NTSHOB NSI

⁵ Nummbe me lèn mfànnu màm. Nukebwô àm ke mb'a be mbwe njoṅ ndù fa.

Yobkwi 51:5 Iomraidhean Croise

Neto'te 5:3

Ngelaṅ Adam kum ngu'njù bon tat nkù là, a bwe mén mandum num mfuni mi, z'a fut'é là, ntswi lén se ndù Set.

Neto'te 8:21

Tshùaben fit ywèt tse, a bwô i, a tshob mum ntù i ndù: Me ke nsi zi bèn so ndon num tsha' a num mènntùn, nummbe nkwatenu ntù mènntùn b'a mi kebwô fe mônke'; me ke nsi bèn biagte njoṅ tshu fa tse me na' nabte mba me lo neghù là.

ṄWA'NI YOB 14:4

We z'a ghù nesô ju nelàn ntùm ze kelàn à? Sàm mènntùn ke bwe.

Yobkwi 58:3

Nga, bin be mfàn nu ntùm ntù tsine, mbu min b'a mi nefètte lem ntùm ngô, mbu min mi lem be nkag zwentù mum ngô.

Lévitiko 15:18

A be ze ta' mènnzwi nô bo lèn yen mandum nà là, mb'a bwô ndù bo sôg wut tshobe, mbe nesagte nkum mfetnjù.

Yohané 3:6

Ze bo bwe i mbàb là b'a mbàb; ze bo bwe i Ywèt là b'a Ywèle.

Roma 5:12

A ndùlala, be ndaṅndaṅ nukebwô lo tshùa njam ta' mèn ntsho ntùm njù, vù tshùa njam nukebwô, là vù lo se' nsa num njoṅ benntùn fa, nummbe njoṅ yub fa lo ghù nukebwô.

Efésô 2:3

mba bag yag lo be netèt tshen ben nà, njoṅ yag fa lo ke njôg ngelaṅ mbwe ntùm ba ghe'te mbàb wut yag, nke ngù tshu tse mbàb wut mba nkwate nukebwô kô là, ntùm neyene, mba bag yag na' mb'a bon yantù mba tsemo' ben nà.