Yobkwi 51:2 - NTSHOB NSI

² Ngelaṅ ngantum Nsi Natan na' nèn njen i ndùs'a fàn nu bo Bat-Shéba là.

Yobkwi 51:2 Iomraidhean Croise

2 Samuél 11:4

David tum bo nèn ndo' i. A se' mbaṅ David bo yi nô. Ndùse mènnzwi là sôgte wul i mb'a sagte wul i là, a bèn njam ndà i.

2 Samuél 12:1

Tshùaben tum Natan mbaṅ David. Natan nèn mbaṅ i ntshob yi ndù: Tsemo' benntùn bàa lo ke ntswe ntùm ta' tusô, mo' be ngaju, mo' be mbwoṅ.

Yobkwi 19:12

Mba ngafa' o num nzi'te yen ju là. Nda' mèn z'a be nze njoṅ i fa là b'a ze ndùb.

Yobkwi 51:7

Tshù, bo bwe àm à ntùm mfànnu, màa lèl àm à ntùm nukebwô.

Esaya 1:16

Bin sôg ndàne, bin lo' tshùagntù z'a ntù bin nà ndo yi num miag màm. Bin tsin neke ngù nukebwô.

Yérémia 4:14

Yérusalém, lànte ntù o num nukebwô, ndùlala ndù o yôge. O nsi ke lé' nkwate kebwô ntùm ntù o tà nèn kum à ndùke?

Ezékia 36:25

Me nsi naṅ ntse nelàn num bin, men ntse là nsi lànte zin num njoṅ ṅu' min fa mba njoṅ tshùaya'nu tsin fa.

Lévitiko 13:58

Là, a bwô nebèn nsôg nzwe, tshan, bàb nzwe ke ju ze bo lo' ngub nabte yi là lo, num mbatte yoṅ bàa k'a làne.

Sakaria 13:1

Mum sen lé'njù là, mo' tumnsi ntse nsi bèt num tunndà David bo ba Yérusalém, num nesôg nukebwô bo nesagte.

Yohané 13:9

Simon Pétro tshob yi ndù: Tshùaben, ke b'a nda' nku màm, mba mbu màm, mba tu àm.

Mfa' Ghantum 22:16

Ndonni kà ghubte, lo nsi ntsiaṅ lén Tshùaben, bo nyu' o ntse, sôg nukebwô tsho.

1 Korintô 6:11

Tsemo' ben netèt bin na' mb'a ndùlala. Là bo lo sôg zine; là bo lo ghù bin tù' ben nelàne; bo lo ghù bin tù' ben netsin num lén Tshùaben Yésu Kristô mba num Ywèt Nsi be.

Apokalipse 1:5

mba njam Yésu Kristô, ngakwénta ze nenùne, tuswe mén netèt fe ben mba mfen fenfen num nsitsha' là. Ghamte be mèn z'a num nkô be, z'a lànte be num nukebwô be ntùm lem tse,

Apokalipse 7:14

Me tshob yi ndù: Tshùaben àm, o lène. A tshob me ndù: Tshen ben ni fe à ntùm nge' ndùb, bo sôg nkum mube, ngù a fôg ntùm lem mén njùmbwe.