Yobkwi 51:18 - NTSHOB NSI

¹⁸ B'o ke tsiaṅte num ju nele't'o yi, a be ze me ton mba ju neton nde't'o yi là, mb'o ke kô.

Yobkwi 51:18 Iomraidhean Croise

Néhémi 2:17

Ndùlala me tshob bo ndù: Bin yen dù' ze bag bin be à! Bo sate Yérusalém, nton nzendà tse. Bin se' bag bin bèn nkut kàbngô Yérusalém ndù kà tuswe bèn neko be.

Yobkwi 102:16

Ngôngô nsi bwôg lén Tshùaben, njoṅ fenfen fa nsitsha' bwôg nkuni mu;

Yobkwi 147:2

Tshùaben tshwèt mbèn nkut Yérusalém, a tshwèt ntse'te bon Israél tse bo nèn kuan nà,

Yobkwi 25:22

O! Nsi àm, tshu' Israél, num njoṅ nge' tse fa.

Yobkwi 40:7

O ke' kô jule'te Nsi mba ju bwôntù Nsi. O lo gha' ntoṅ màm. O ke' be bètte ju neton ngamt'o yi, ke bèn mbètte ju z'a kwù num nu kondèn nà.

Yobkwi 69:35

A bwô kamànyam mba tsha' ghamt'é, ba dibantse mba tshu ts'a be nzinte ntùm bwe là ghamt'é.

Esaya 51:3

A ndùlala, Tshùaben nsi fite ntù Sion, a nsi fite ntù i mum dù' tse ts'a tù' fam nà. A nsi lo' ze kônkwa kaṅ ta' Edèn yi, lo' fam i ghù ta' nka' Tshùaben yi. Bo nsi ju' tshu'te tsiaṅte bo ṅwate netèl i, ju' nkwi nyàmte boa nkwi mi a tum ntùm njobnkwi là.

Esaya 58:12

Ben tsho nsi bèn kut dù' num njwèn fam, o nsi bèn bù'te njwèn tun ba'. Bo nsi tsiaṅ o nganabte fam, Ngatsiagte manze z'a be ngù la' bwô netswe ntùm bwe là.

Esaya 62:1

Me ke nsi mem ntshu àm num nkôni Sion, me ke nsi fite num nkôni Yérusalém, tà nkum ndùse yôg se tum mba mfôgnjù là, tà nkum ndùse netshu' i tum mba tswe'nka' z'a lo' mbwôg là.

Yérémia 51:50

A bwô ndù bin ba Israél tse bin tum ntshu ṅwi là nèn ke ghubte. Bin kwimte Tshùaben num dù' tsha' bin be bwe ngùanesà là. A ke' bwô ndù lén Yérusalém mi ntù bin.

Daniel 9:25

Lèn ndùlala, nju'u. A be ndonni à ngabnjù sammbàa mba ntshob se' wù ndù bo nsi bèn kut Yérusalém nà. A nsi be ndùlala tà nkum ndùse Ngayo', Ngatshagte be là. A nsi be kum ngabnjù ntshob bàa ṅam ntôg bo kut ba dù', ntsiagte ba nsam. Là njoṅ i fa nsi tôg à mum ngelaṅ zwentù.

Mika 6:7

Tshùaben nsi bam nkomnjù ntsha'ntsha' ke nete' mfèt ntsha' gham no ké? Be me fà à tuswe àm num mfànnu màm ke ju z'a tum zwe' àm nà num nukebwô ntù àm ké?

Mika 7:11

Lé'njù se bo nsi bèn kut mu nkumba' là te nsi; bo nsi kù'te tsho ndùnsi sen lé'njù là.

Sakaria 2:5

Tshù, me bù' miag màm nke ndôte, njen mo' mèn ntùm njem ndù a tshùb nkù bu i num nefi' dù' yi.

Lukas 12:32

Kà bwôg me metsit bwoṅ njùmbwe, nummbe Tà lo yen ndù a bwô nefà nufen se bin.

Efésô 1:5

ntùm nkôni, a lo nabte be tà fe mbwe, ndù be bèn ntù' bon ts'a kwiagte là njam Yésu Kristô; yen ni b'a mb'a bwô i ntùm ze nekô là;

Efésô 1:9

ngù be lèn tsham ze nekô, ndaṅndaṅ mb'a bwô i, a nabte njab tà fe mbwe ntùm ntù i là.

Filipi 2:13

Nummbe Nsi b'a mèn z'a num mfà nekô mba neghù netèt bin mb'a bwô i là.

2 Tésalônikà 1:11

A num ndùlala, bag num nde'te Nsi njoṅ ndù fa num tu bin, ndù Nsi be ghù bin ku'ni num netsiaṅ i, ngù zin nekô neghù numebwô mba fa' bamntù sin bumte ntùm neta;