Yobkwi 51:17 - NTSHOB NSI

¹⁷ Tshùaben, gha' nkub ntshu màm, ntshu àm nsi tsho ghamt'o.

Yobkwi 51:17 Iomraidhean Croise

2 Fenfen 22:19

Mba yen nu là kwag ntù o, o fà wul o nsi mbwe Tshùaben, nju' ju me tshob num yen dù' li boa ba la' tse, naṅ ntsha tu bo, nso ndon nelo' nyi'te yub yi là, me Tshùaben ju'. Nummb'o fagte nzwe tsho, nkua' num miag màm.

Yobkwi 102:17

ngelaṅ Tshùaben a' bèn kut Sion nà, a nsi ṅwag bwe mum nkuni mi.

Yobkwi 107:22

A bwô ndù bo fà tshule'te Nsi tse fa' kondèn, nsoṅ mfa' mi ntùm tshu'te tsiaṅte.

Yobkwi 147:3

Tshùaben be njate ben tse ntù yub be'te là, nkut mfaṅ yub.

Yobkwi 22:24

Bin tse bin be mbwôg Tshùaben nà, bin nyàmt'é! Njoṅ zin fa, nzwit Yakob, bin ghamt'é. Bin nzwit Israél, bin vètte mbwe i.

Yobkwi 34:18

Ben netsin be nkua'a, Tshùaben ju', ntshu' yub num njoṅ nge' tshob fa.

Netume 37:22

Nsàmtù boa mbu mi na' nko' à kua' num wut ntshù' boa ju neghette nka' bwe. Bo na' ndo' à gol nelàn ntswe njoṅ i fa yi. A b'a kua' ta' i ntshù'.

Esaya 57:15

Nummbe Mèn z'a tà mfe tù là tshob nu. Yi ze dù'ntswe i be matmat, lén se be se nelàn nà tshob ndù: Me ke ntswe à ntùm Nelàn àm, ntùm dù'ntswe z'a tà mfe tù là. Là, me num ntomte ngayennge' z'a be ntùm ntobni là. Me num nse' mfùag ywèt tshàm num ben nebétni, mbù'te fènntù ben nebole.

Esaya 66:2

Mbu màm bèn nabte njoṅ tshen tshu là fa. Njoṅ i fa be ntùn à mba me bèn nkô là. Tshùaben bèn ntshobe. Tshù mèn ze me nsi te lag num i li: A b'a num mèn z'a tshwèt njen nge', ndù ntù i bot, a nke mvètte mbwe ntshob màm nà.

Ezékia 9:6

Bin zwite ywèn benntùn, bonnshum, ngonngon, bônke' mba bènnzwi, bin sate njoṅ i fa. Kà bin ghebte num mèn z'a ghù keki là. Bin to' a num dù' àm ze nelàne. Bo to' num ywèn benntùn, ghakwé mbwe (tse bo be mbwe) Ndà Nsi là.

Amos 5:21

Me bàne, ngwag min njùa. Me ke' kô neju' nsém tsin ntse'te.

Matio 5:3

Ghafen b'a ben bo bwoṅ ywèt là, nummbe nufen kamànyam b'a yube.

Marko 12:33

ndù nekô i njoṅ ngô ntù fa, njoṅ zenu fa, njoṅ neta, mbèn nkô mèn z'a ghebte mba tu wut mèn nà, yen nà tshùa njoṅ nzenze tshu nele'te Nsi yi fa.

Lukas 15:10

Be ndaṅndaṅ, me tshob bin ndù tsiaṅte nsi be netèt ba Angél Nsi num ta' mèn kebwô z'a kaṅ ntù i là.

Roma 12:1

Ndùlala, fèt tshàm, me tsiaṅ zin ntshùa num kondèn Nsi, ndù bin fà wut tsin mba ju nele'te Nsi, ze ntùn, ze nelàne, z'a bwô Nsi là; yen ni b'a zin nefa' z'a ku'ni là.

Filipi 4:18

Me ghù njoṅ z'a ku'ni là, me b'a ntùm fu', me dun, nummbe Epafrôditô fà ywimte zin me, a b'a labinda z'a lamte mebwô là, a b'a ju nele'te Nsi ze Nsi bame, z'a bwô Nsi là.

Héber 13:16

Kà bin lagte neghù numebwô mba ywimte, nummbe lèn tshen tshule'te Nsi là num mbwô Nsi.

1 Pétro 2:5

Mba tu wut tsin tse bin be mba ndoṅ ntùn nà, bin tamte nkut ba' Ywèle, ntù' ntshufa' le'te Nsi ze nelàne, ndù bin fà tshule'te Nsi tse Ywèt ts'a bwô Nsi njam Yésu Kristô là.