Yobkwi 51:16 - NTSHOB NSI

¹⁶ O Nsi, Nsi ngayôg àm, tshu' àm bu vùkob tshu' àm num nu lem, ndù lém sàm nyàmte nunetsin o.

Yobkwi 51:16 Iomraidhean Croise

2 Samuél 12:9

Ndùlala, o wag ntshob Tshùaben, ngù nu z'a ke' bwô là num miag mi à numke? O lo' ṅwi ndab Uria mén Hit yi kà nzwi i; o lo' nzwi i ngù nzwi o yi, ngù ṅwi tse nshum Ammon zwi i.

Yobkwi 40:6

Tshùaben, Nsi àm, o lo kwi'te mfa' mu mi nekuni mba ntenu mu num yag ywimte. Mèn z'a be mba wù là ke bwe, me tshwèt nkô nesoṅe, mbèn ntshob yen ju là. Là, a yàm neshu kà me ke ku'ni nesoṅe.

Yobkwi 50:8

Me ke ntshobt'o à num nu tshule'te Nsi tsho. Tshule'te Nsi ts'o be nton ke mb'a be mbwe àm njoṅ ndù fa.

Yobkwi 51:6

Me ghù nukebwô à wù tù' wù, ngù nu z'a ke' bwô là num miag mu, ndùlala o b'a mèn netsin ntùm nkeb ntsha mu, yu tsho'te ntsha b'a kelo'.

Yobkwi 71:15

Ntshu àm nsi soṅ nunetsin o mba yôg so njoṅ lé'njù fa. Nummbe me ke' lèn dù' ze ndù tshob zin nkum nà.

Netume 21:14

L'a be ze mèn lo' lamte nke ndiag nezwi mfèl i yi ntùm tshùagntù là, mb'a bwô ndù o fiag i mba num tômbwôg le'te, nzwi i.

Tànkùt 15:8

Jule'te ghatshùagntù num mbag Tshùaben. Là, ze nele'te ben netsin be mbwô i neshu.

Tànkùt 21:27

Jule'te ghatshùagntù b'a tshùaya'nu ndù a bag neshu, là, mebwô mebwô, ndùse bo be fà ngù nkwate kebwô là.

Yérémia 7:27

A be z'o tshob tshen tshu là bo là, mba bo ke nsi ju' wù. A be z'o kua' ntsiaṅ yub là, mba bo ke nsi bùnte wù.

ṄWA'NI OSÉ 6:6

Nummbe me kô à nebétni, ke b'a tshule'te Nsi, nkô à nelèn Nsi, ke b'a tshu neton a kù fafa.

Nesiaṅe 15:27

A be ze nda' ta' mèn ntshù' bèn mfàn yen nu là, mfàn ke lèn nà, mb'a nsi lo' ta' mbwe tamngu' nèn yi num nele'te num nukebwô.

Nesiaṅe 35:31

Kà bin kwé nkàb mèn z'a zwi mèn nà nummbe bo nsi zwi i ze.

Nebwôgte 22:22

A be ze bo yen mandum bo mènnzwi z'a nandà nke nô là, mba bo a' zwi yub ntu tshob bàa fa, nzwi mandum ze bo mènnzwi nô là mba mènnzwi ze. O nsi sô nukebwô netèl o ndùlala me Israél.

1 Samuél 15:22

Samuél tshob ndù: Tshùaben be nju' mebwô ndùse mèn ju' nz'é là ntshùa neton ba nyàm yi ke nefà tshule'te lo. Neju' ntshu bwô ntshùa jule'te, nefà wut nsi bwô ntshùa nzit ba njùmbwe.