Yobkwi 51:14 - NTSHOB NSI

¹⁴ Fà tsiaṅte z'a fe wù là me. Ywèt ts'a b'a tse bwôntù là tomt'àm!

Yobkwi 51:14 Iomraidhean Croise

Neto'te 42:22

Rubèn bùnte ntshob bo ndù: Me lo ke tshob bin ndù kà bin ghù kebwô num yen mén nà ké? Là bin lo ke kô neju'u. Tshù là, ndonni Nsi tshwèt mbètte be lem tse.

Neto'te 9:6

Mèn z'a fètte lem mènntùn nà, mba mènntùn nsi fètte tse ze, nummbe Nsi lo nabte mènntùn à num mfuni Nsi.

2 Samuél 12:9

Ndùlala, o wag ntshob Tshùaben, ngù nu z'a ke' bwô là num miag mi à numke? O lo' ṅwi ndab Uria mén Hit yi kà nzwi i; o lo' nzwi i ngù nzwi o yi, ngù ṅwi tse nshum Ammon zwi i.

2 Samuél 21:1

Mo' nziku' be num ngelaṅ David be mfen nà, ntswe ngu'njù tat. David bètte Tshùaben nu, a tshob yi ndù: Yen nu li b'a num nu Saulo bo tunndà i z'a be mfètte lem nà, nummb'a lo biagte ba Gabaon.

2 Samuél 3:28

David tum njam nju' yen nu là, ntshob ndù: Me be tshàm à mbu' mbwe Tshùaben num lem Abner nshum Ner, mba kua' yàm nufen.

Esdra 9:13

Nu ts'a ghù yag là na' mb'a num mfa' mag mi kebwô, mba num nukebwô tshag tse ndùbndùb. Mba ndùlala, o lo ghua' yage, ntshé'te benntùn netèt bag me Nsi yag, ngù bag ndùlala, ke siaṅte mfi' mba mfànnu mag be yi là.

Néhémi 9:33

O na' mb'a mèn netsin mba num zit nu lo z'a ghù yag là, nummb'o la'te ndù o b'a mèn nenùne, mbe ndù bag na' ghù nukebwô.

Yobkwi 25:5

tshagt'àm ntùm nenùne, ntswit'àm, nummb'o b'a Nsi ngayôg àm. Me ke nywinte yàm à num o njoṅ ndù fa.

Yobkwi 26:9

Kà lo' zwiag sàm boa se ben kebwô, ke lo' yôg sàm boa se ben tse bo be mfètte lem nà.

Yobkwi 35:28

Lém sàm nsi ghamte nunetsin o, a nsi ke nyàmt'o njoṅ lé'njù fa.

Yobkwi 38:22

Tshùaben, kà ghua' àm, Nsi àm, kà nèn ngùanesà mbaṅ àm!

Yobkwi 55:23

Yab yu nu bu Tshùaben, a nsi tomt'o. A ke nsi faṅ ndù mèn netsin tiag sàm lé'njù.

Yobkwi 68:20

Ghamte be Tshùaben njoṅ lé'njù fa. A be ze bo fétte yag là mba Nsi a' yôg yage.

Yobkwi 88:1

Yobkwi bon Koré. Ntshagte yobkwi. Num neyob ntam. Yobkwi Héman, mèn Ezrak.

Esaya 12:2

Yen mbe Nsi b'a ngatshu' àm, me yab ntù àm num i koṅkoṅ, me ke nsi bèn bwôg sàm ju. Nummbe Tshùaben, Tshùaben bèn mbe yàm neta, bo yàm tunu nenyàmte. A yi na' mbèn njôg àm.

Esaya 45:17

A be ze Israél tshùa ntsho là, mb'a fe à Tshùaben. Yen netshùa ntsho là b'a z'a tswe matmat là, tuswe ke nsi ko zine, tuswe ke nsi ghom zin tà nèn nkum miagte ngelaṅ.

Ezékia 33:8

A be ze me tshob ndù ngatshùagntù nsi kwù, o ke tshob yi ndù a bate ngùninu mi là, mba yen ngatshùagntù là nsi kwù num mfànnu mi, là tu wul àm ghù mbètt'o lem tse.

Daniel 9:16

Tshùaben, tshùa njam kondèn o ze ndùb, nsô yantù o bo tshùagntù o mum ngô Yérusalém, mba num mbal o ze nelàne. Nummb'a tshùa njam nukebwô mba mfànnu tà tshag Yérusalém bo yu nzwit mèn tù' ju tuswe num miag ben tse bo diaṅ yag mbum nà.

Daniel 9:7

Tshùaben, nunetsin tù' fe à nda' wù. Mba bag là, nda' tuswe bèn ko yag sen lé'njù li, ba Yuda, ba Yérusalém, njoṅ ba Israél fa, tse bo ghebte mba tse bo be ngùanesà, ntùm njoṅ ngôngô fa ts'o sate yub ntshag bwe num mba bo ta tu wù là.

ṄWA'NI OSÉ 4:2

Bo be nkàn mfe netèt bo bo, nke ntshob tatte bo bo. Bo be nzwi, bo be njéé, bo be ngù màndà, bo be mfètte lem, bo be ndo' lem ntam lem yi.

Habakuk 3:18

Mba ndùlala me kô netsiaṅte num Tshùaben, me kô netsiaṅte num Nsi ngayôg àm.

Mfa' Ghantum 18:6

Mba bo ke nga, mbèn nke ntshabte là, a tshwètte nzwe tse, ntshob bo ndù: Lem tsin nèn be tu bin! Yàm nu ke bwe, me b'a nelàne; neto' ndonni, m'a' nèn ntèt ghakelèn Nsi.

Mfa' Ghantum 20:26

Ndùlala me tshob bin mbèn ndo' zin mba ghakwénta là sènni ndù me b'a nelàn num lem njoṅ zin fa.

Roma 10:3

Nummbe bo lo ke lèn nunetsin Nsi.