Yobkwi 51:12 - NTSHOB NSI

¹² O Nsi, nabte ntù nelàn mfà me, kamte ywèt neju' ntshu num àm.

Yobkwi 51:12 Iomraidhean Croise

Yobkwi 119:133

Ghù ndù nku màm tshùa njam ntshob mu mféb nsi. Kà bam ndù sàm nukebwô se ka num àm.

Yobkwi 13:5

Ndùlala kà ngakeban tshob ndù: M'a' tshùa i, mba ndù kà ghakeban tshàm tsiaṅte ngelaṅ me tiag là.

Yobkwi 17:5

Nku màm ta nsi num manze tsho, nku màm ke zi ntiage.

Yobkwi 19:13

We z'a be ndèn mi mfànnu à? Lagte mba tse me ke' lèn nà me.

Yobkwi 21:1

Ntshagte yobkwi. Yobkwi David.

Yobkwi 24:4

A b'a mèn z'a ghù ntù nelàne, mba mbu mi a be mi mbu' là. A b'a mèn z'a ke' be swèn ntù i tatte, ke bèn nke nkàn mfe ntatte là.

Yobkwi 35:9

Ndùlala me nsi ghù tsiaṅte num Tshùaben, ntùm zwiag sàm, ṅwate num ze ywimte.

Esaya 41:10

Kà bwôg sàm ju, nummbe bag wù bèn mbe. Kà ke ma' miag ngabwôg, nummbe me b'a Nsi o. Me so neta num o, me se' ywimt'o; me lo' bu àm ze tshùa ntsho ze zwim ntomt'o yi.

Esaya 49:13

Yob kwi me kamànyam! Ṅwate ntùm ntù o me tsha'! A bwô ndù ba mbat bèt zwi ntùm tshu'te! Nummbe Tshùaben fite ntù ze nzwit mèn. A ko ndèn ben tse ntùm nge'.

Esaya 61:10

Me nsi tsiaṅte num Tshùaben. Ntù àm nsi dun ṅwate num Nsi àm, nummb'a ma' nzwe yôg num àm, ndaṅndaṅ mba tshe' ndu ngon be nkwi wul i, ndaṅndaṅ mba nkwa mi ménngon be nkwi wul i yi kà ntsin mbwe ndu i là.

Yérémia 10:23

Me lèn me Tshùaben, ze manze mènntùn ke' ke ndôt'a yi, ndèn ndù mèn be mbe zin ke bèn nke ntshagte nku mi.

Lukas 1:47

Ywèt tshàm tsiaṅte num Nsi ngayôg àm.

Roma 14:4

Wù, o b'a we kà nke ntsho'te mènghua à? K'a tsin tù, k'a vù nsi, mba yen nà lôt'a tàfa' i. Là, a nsi tsin tù, nummbe Nsi b'a mèn neta num neghù a tsin tù.

Roma 8:15

Bin lo ke kwé à Ywèt kuan num nebèn nke mbwôge, là bin lo kwé à Ywèt bon nekwiagte, tse bag à bin be nkua' ntùm bwe ndù: Abba! Tà!

2 Korintô 3:17

Tshùaben b'a Ywèle; dù' ze Ywèt Tshùaben be là, kuan ke bwe.

1 Pétro 1:5

bin tse neta Nsi lem zin njam bamntù num yôg s'a nsi la't'é ngelaṅ mànjam nà.

Yuda 1:24

Ghamte be mèn z'a ku'ni nebéb zin njoṅ nevù fa, ngù bin tsin mbwe nkuni mi, kelo', ntùm tsiaṅte là;