Yobkwi 51:11 - NTSHOB NSI

¹¹ Tsho' lag so num nukebwô tshàm. Bwete njoṅ mfànnu màm fa.

Yobkwi 51:11 Iomraidhean Croise

Neto'te 4:14

O ta' àm num yen nsitsha' li sènni; me nsi lem tà ngùanesà num miag mu, me nsi zine, be tshakendà num nsitsha'a, mèn z'a yen àm nà zwi àm.

Neto'te 6:3

Tshùaben tshob ndù: Me ke bèn mbam ndù mènntùn yôg matmat, nummb'a b'a mènntùn. A nsi ke yôg nda' num ngu'njù bon bàa nkù.

2 Samuél 7:15

Là kondèn ke nsi lo num i mba me na' nsô i num Saulo ze me na' ngua' i mbwe o là.

2 Fenfen 13:23

Là Tshùaben ghù kondèn num bo, ntshàm ndèn mube; a kaṅ se i ndôte yub num nu kàn s'a wat bo Abraham, Isak mba Yakob là. A ke kô nebiagte yube. Tà nse' nkum mba ndonni a ke' tsho' lag num bo.

2 Fenfen 23:27

Nummbe Tshùaben lo tshob ndù: Me nsi tshag mba Yuda ngùanesà num miag màm, mba me na' ngua' Israél là. Me nsi ghua' sen tusô Yérusalém ni se me na' ntsho' là bo ndà ze me na' ntshob ndù lén sàm nsi ke tswe a bwe là.

2 Fenfen 24:20

Yen nu là se' à num yantù ze Tshùaben na' ngù num Yérusalém bo Yuda, nkô nema' yub ngùanesà num miag mi là. Sédékia ta tu mfen Babilon.

Yobkwi 43:2

Wù Nsi àm ngakabt'àm, numk'o nke ma' àm njam à? Numke me nke nzin ntùm nenywine, bam ngùtni ngakeban à?

Yobkwi 71:18

O Nsi, kà ghua' àm! Mba ngelaṅ me nsi ywèn kom fôg là, ndùlala ndù me soṅ neta o yen zwiaṅ benntùn ni, nsoṅ ngù' o zwiaṅ benntùn z'a nsi se' là.

Yobkwi 71:9

Tshùaben kà ghua' àm ngelaṅ me ywèn nà. Kà ghua' àm ngelaṅ yàm neta kôgte là.

Yérémia 7:15

Me nsi ma' zin ngùanesà num miag màm, ndaṅndaṅ mba me na' ngua' njoṅ fèt tsine, njoṅ nzwit Efraim fa là.

Lukas 11:13

A be ze ben kebwô mba bin num ndèn nefà tshu mebwô bon tsin nà, mba Tà zin mfe kamànyam nsi fà ze Ywèt Nelàn ben tse bo lon yi là ntshùa ndùlala!

Yohané 14:26

Là ngafitentù, Ywèt Nelàn tse Tà nsi tum num lén sàm nà, yen nà nsi tswite zin njoṅ tshu fa, bèn nkwimte njoṅ tshu fa tse me tshob bin nà bin.

Roma 1:4

num mat Ywèt Nelàne, Nsi yab i Mén i ntùm neta ntshùa num nelo num vù;

Roma 8:9

Là bin, bin ke' b'a ntùm mbàb wut, là bin b'a ntùm Ywèle, a be ze Ywèt Nsi be ntswe num bin kua' nenùn nà. A be ze mèn ke' ghù Ywèt Kristô là, mba yen mèn nà ke' b'a ze mèn.

Efésô 4:30

kà bin fà yantù Ywèt Nsi tse Nelàn tse bo na' nsan zin ntùm bwe mum lé'njù netshu' là,

2 Tésalônikà 1:9

nebagte ze yoṅ ntshù' nsi vù num bo, bo nsi b'a ngùanesà num miag Tshùaben, mba mbwe nkuni neta i,

Ghasa'kame 13:25

Ywèt Tshùaben to' nenyi't'é Mahané-Dan, netèt Tsoréa bo Eshtaol.

Ghasa'kame 15:14

Ndùs'a kum Léshi là, ba Filistia lo' i à ntùm tshu'te bo tsiaṅte. Là Ywèt Tshùaben ghom i. Mvèt bàa ts'a ke nkinte mbu mi là tswe mba ndeb nzwe z'a kù mbwôg là, ntum mum mbu mi ngwùte nsi.

Ghasa'kame 16:20

Ndùlal'a tshob Samson ndù: Ba Filistia là num o. A bam num miaglo ntshob ndù: Me nsi tum bwe mba tsemo' yoṅ tse là. A lo ke lèn ndù Tshùaben yà ghua' i.

1 Samuél 10:10

Ngelaṅ bo kum Guibéa, mo' bwoṅ ghatshob ntshob Nsi se' mbumte boa bo. Ywèt Nsi tsho num i, a tshob ntshob ngatshob ntshob Nsi netèt bo.

1 Samuél 16:14

Ywèt Tshùaben tum num Saulo, ywèt kebwô ts'a fe Tshùaben nà nyi't'é.