Tà tshag lo ke ju' sàm ju num mfa' mu mi nekuni mà Egipto. Bo lo ke kwimte nkôni o ze ndùb. Bo lo ta tu Nsi z'a mfe tù là, mbaṅ dibantse, dibantse meba.
Tsin mfe kamànyam, mfe dù'ntswe o ze nelàne, ze nekuni njen me Nsi! Nkôni o bo ngù' o b'a yà? Nekù ntù z'o na' ngù num bag là tsin. Bag ke' bèn mbe ju' ntshùa kondèn o mbaṅ bag.
Me nsi soṅ kondèn Tshùaben, soṅ ghamte Tshùaben, soṅ à ndaṅndaṅ njoṅ mfi' mb'a ghù num be là. Me nsi tshob nu num bwôntù ndùb z'a ghù num tunndà Israél là. Nummb'a ghù yi à mfi' mba kondèn i bo fu' nkôni yi Tshùaben be yi là.
Là wù Tshùaben lèn njoṅ ntsham kebwô fa mi bo tsin num àm nà. Kà lagte men mfànnu li bo. Nukebwô yub ghô num miag mu matmat. A bwô ndù o ma' yub nsi mbwe o! Yab nge' num bo num ngelaṅ ze yantù o nsi kamte là.
Nsi àm, kù' ntoṅ nju'u, gha' miag mu njen mba bo sate yag njene! Tshù ngô ze bo be ntsiaṅ lén so mum bwe njene! Bag ke ke ntshùa à njam yag nunenùn kà nke ma' mbu wù, a b'a nda' njam kondèn o z'a b'a ze ndùb là.
