Yobkwi 5:9 - NTSHOB NSI

⁹ Tshùaben, tshagt'àm njam yu nunetsine num nu ghakeban tshàm, tsiagte manz'o mbwe àm.

Yobkwi 5:9 Iomraidhean Croise

Esdra 8:21

Me ghù bag tswe nziku' mbaṅ ta'ntse Ahava, ndùlala ndù bag fà wut nsi mbwe Nsi yag, ndù a ghù yag nkatte tôg kua' mebwô num bag, num bon tshage, mba num njoṅ tshu tshag fa.

Yobkwi 27:11

Tshùaben, tswit'àm yu manze, tshagt'àm num manze netsine, num nu ghakeban tshàm.

Yobkwi 51:6

Me ghù nukebwô à wù tù' wù, ngù nu z'a ke' bwô là num miag mu, ndùlala o b'a mèn netsin ntùm nkeb ntsha mu, yu tsho'te ntsha b'a kelo'.

Yobkwi 52:2

Num ngelaṅ ze Doég ze Edom na' nse' nsoṅ Saulo nu, ntshob ndù: David nèn ndà Abimélék là.

Yobkwi 62:4

Bin nsi ke tsho' vù num ta' mèn, lab i, mba kàbngô z'a ben nà, mba kàb z'a bùn nà tà nèn nkum ndùke?

Yobkwi 62:9

Ngôngô, bin ke njab ntù zin num i njoṅ ngelaṅ fa. Bin gha'te ntù zin mbwe i. Nsi b'a ze be ndàlem.

Yobkwi 64:6

Bo be nso neta num bo ntùm nukebwô yub. Bo be mbe ntshu ntshù', mbùn nkù. Bo be ntshob ndù: We z'a nsi yen yag à?

Yobkwi 69:19

Kù'te nse' mbaṅ ntù àm njôg i. Yôg àm num nu ghakeban tshàm.

Tànkùt 29:5

Mèn z'a be mbatte mfèl i là be mbùn nkù tun nku mi.

Esaya 26:7

Manze mèn netsin b'a ndaṅndaṅ; wù z'o b'a mèn netsin nà, tsiagte ntshagnze mèn netsine.

Yérémia 17:9

Ntù mènntùn ṅatte ntshùa njoṅ i fa. A bag ntshùa mba ke lo. We z'a ghù nelèn ntù mènntùn à?

Yérémia 4:14

Yérusalém, lànte ntù o num nukebwô, ndùlala ndù o yôge. O nsi ke lé' nkwate kebwô ntùm ntù o tà nèn kum à ndùke?

Mika 6:12

Nefètte lem lo' tu tse ghankàb, tatte tshote tse ba la', lém sob be se fùte ntshu bo.

Lukas 11:39

Là Tshùaben tshob yi ndù: Bin ba Férésia, bin num nsôg njam mvèn ntu' mba nka, là ntù tsin be ndù a dun tshu tshô mba nukebwô.

Lukas 11:44

Nge' num bin, nummbe bin be à mba ntufi mi mo' ju ke tshwèt nda't'é, benntùn nke nzin num bwe ke lèn nà.

Roma 3:13

Nzetô yub b'a fi s'a te nge là bo be ndo' lém sob mfùte benntùn yi,

1 Tésalônikà 2:5

Bag lo ke to' be ntùm ntshob netatte mba bin lèn nà, ke bèn mbe ntùm nkwate neze'te netèt bin, Nsi b'a nkwénta,