Yobkwi 5:4 - NTSHOB NSI

⁴ Tshùaben! O be nju' nz'àm nkebnjù, me be mbe nkebnjù, nkaṅ wul àm nke nzwi't'o.

Yobkwi 5:4 Iomraidhean Croise

1 Kronika 29:17

Nsi àm, me lèn o num ntswe' ntun num ntù, mbèn nke nkô nu ndaṅndaṅ; ndùlala me fà tshen tshu bwôntù li tse me kô là wù à ntù nenùne, ntùm ntù ndaṅndaṅ; ndonni ntù àm tsiaṅte neyen mba yu nzwit mèn be nsen ni nefà tse tshu bwôntù wù mb'a kô là.

Yobkwi 101:7

Dù'ntswe ke' be ngafùte ntùm ndà àm. Mèn z'a be ntshob tatte là ke nsi mbwe àm.

Yobkwi 11:5

Tshùaben be ndaṅte mèn netsine. A be mban tshùagkèt mèn mba mèn ze nefétte lem be mbwô i là.

Yobkwi 140:13

Me lèn ndù Tshùaben nsi ghù nu ndaṅndaṅ ghayennge', ghù nunetsin bwoṅbwoṅ.

Yobkwi 50:21

Tshù ju z'o ghù là. Be me tswe ntshu mi' ké? O lo ke nkwate mbe me fut'a wù. Là me nsi tshobt'o, yab njoṅ nu fa num miag mu.

Yobkwi 63:2

O Nsi, o b'a Nsi àm, me be ndiag o. Ntù àm tshwèt nkù neyen o, me tshwèt nkô neyen o, me b'a mba dù' tsha' z'a ghage, njume, ntse ke be bwe là.

Yobkwi 88:14

O Tshùaben, me be mbéb yu ywimte. Le't'àm be nse' mbwe o nkebnjù.

Yobkwi 92:15

Bo be njwèn mba neywèn nke' njàm ntàme, ntse ke' num bo, bo nke nte'e,

Yobkwi 94:20

Ben kebwô ku'ni neghù o tswe num sob ko'fen ké? Bo tse mub nkwate ke' be b'a ntshù' kô là à!

Habakuk 1:13

Miag mu làn neshu neyen nukebwô, o ke' be lôte mfànnu benntùn. B'o lôte ghatatte mi ntswe ke ntshob nu, ndùse ngatshùagntù tshwèt mi mèn z'a tsin ntshùa i l'à ndùke?

Malashi 2:17

Bin be ndo' ntshob min nkag bot yi num Tshùaben, nke ntshob ndù: Bag kag bot num i à num zit nu à? A b'a num mba bin be ntshob ndù: Mba we lo z'a ghù nukebwô là b'a mèn mebwô num miag Tshùaben, a ke nju' mebwô à num ng'é! Ke netshob ndù: Kà Nsi netsin b'a yà?

Yohané 14:23

Yésu bùnte ntshob yi ndù: A be ze mèn kô àm nà, mb'a nsi lé' ntshob màm, mba Tàa nsi kô i, mba bag nsi se' yi, mba bag nsi ghù dù' ntswe mbaṅ i.

Héber 12:14

Bin diag neyôg ntùm fite bin à njoṅ benntùn fa, bin diag nelàne, z'a tag mèn, mb'a ke nsi yen Tshùaben nà.

2 Pétro 3:13

Ndaṅndaṅ mb'a be ntùm nka'ni là, bag à bin tshwèt mbéb kamànyam nswe mba tsha' nswe, dù' ze nunetsin nsi tswe là.

Apokalipse 21:23

Nka' lagnyam mba nka' maṅwù ke' be ywimte ngô mo' ju, nummbe nkuni Nsi num nké' num i, mén njùmbwe be lambo se.

Apokalipse 21:27

Sàm ju nesagte, sàm ngaghù nu ṅu' mba sàm ngatatte ke nsi tsho bwe, nda' ben tse bo kite yub ntùm ṅwa'ni yôg mén njùmbwe là nsi bèn tsho bwe.