Yobkwi 5:11 - NTSHOB NSI

¹¹ Nsi, lo' yub mba ghavù ntsha là, ghù bo vù nsi ntùm njabnu mube, ta' yub mbwe o num nukebwô tshob ts'a yàm neshu là. Yoṅ yub mbwe o num tatu yube.

Yobkwi 5:11 Iomraidhean Croise

ṄWA'NI YOB 38:7

A na' mb'a ndùse, nsa nkebnjù ke njob nkwi ṅwate, nshumnshum Nsi nke mbu' mbu ntùm tsiaṅte là.

Yobkwi 2:12

bin tate nku mi, mbwôg ndù k'a ya ntù, ndù kà bin bi num zin manze. nummb'a tù' mén nda'nda' yantù i kame. Mènfen b'a mèn z'a be njab ntù i num i là.

Yobkwi 35:27

Ṅwate mba tsiaṅte be ben tse bo num njen ndù me b'a mbu'u, nke ntshob ke tsin ndù: Ghamte be Tshùaben z'a be nkô ndù ngafa' i tswe fite là.

Yobkwi 40:16

A bwô ndù bwôg tshùa njam tuswe ntsho num ben tse bo be ntshob me ndù: Ah! Ah! là.

Yobkwi 58:10

A bwô ndù a be bit ntù' njô mba kwékwénàndô là, mbe te' ke nejum no, ndù yantù o z'a be mba fetmbaṅ nà kel i nèn yi.

Yobkwi 65:13

Ntse tshwèt ntum mum nà z'a kônkwa là, nkônga dun ṅwate, mbe ntùm ṅwate.

Yobkwi 68:3

O be mbiagte yub ndaṅndaṅ mba nzembwôg mi a bite là. Bo be njag ntùm mbwôg ndaṅndaṅ mba nyiaṅṅwa' là. Ghatshùagntù be mbi mbwe Nsi.

Yobkwi 69:36

Nummbe Nsi a' yôg Sion, bèn kut ngô ts'a Yuda là; bo nsi tete bwe, lo' ghù yub yi.

Sakaria 9:9

Ṅwate tsho me ngon Sion, tshag nz'o tù ntùm tsiaṅte me ngon Yérusalém! Tshù mfen o là z'a tshwèt nse' tèl o là a b'a mbétni mèn, mbe ngayob ngu'u, a mbétni mèn ndù a ko' num kekwène, num kekwèn z'a b'a metsit mén kekwèn nà!

Roma 8:28

Là, bag bin lèn ndù, ntùm njoṅ tshu fa, Nsi num mfa' num nukebwô boa ben tse bo num nkô i là, ben ts'a tsiaṅ yub ndaṅndaṅ mb'a na' njà be ntùm nkwatenu mi là.

1 Korintô 2:9

Là mba bo kite ndù: Ju ze bag ke' be yen nà, ju ze toṅ ke' be ju' là, ju z'a ke' ko' ntù mènntùn nà, njoṅ tshu fa tse Nsi na' nabte num ben tse bo num nkô i là.

Yakobo 1:12

Mènfen b'a mèn z'a be mfènte laṅte là, nummbe ngelaṅ a nsi tshùa laṅte là, a nsi kwé tshe' yôg se Tshùaben ka' ben tse bo kô i là.

Yakobo 2:5

Fèt tshàm tse nkôni, bin ju'u! Nsi lo ke tsho' ben tse bo be bwoṅbwoṅ num miag njù là, ndù bo be ghankàb ntùm bamntù, njù ndà nufen Nsi z'a ka' ben tse bo num nkô i là ké?

Apokalipse 18:20

Kamànyam, tsiaṅte num i, bin ben nelàne, ghantum mba ghatshob ntshob Nsi, bin tsiaṅte, nummbe Nsi naṅ ntsha tu i, ngù nunetsin bin.

Ghasa'kame 5:31

Tshùaben, a bwô ndù ghakeban tsho bi yub à be ndùlala! Ben tse bo be nkô o là b'a mba lagnyam, ndùs'a be ntum bo njoṅ ze neta fa là. Ngô lo tswe fite ndùse yen nà tôg là ngu'njù ṅam nkuà.