Yobkwi 5:10 - NTSHOB NSI

¹⁰ Nummbe nu ntùn ke ntshu bo, nebagte bèn nke mbwô yube. Nzetô yub b'a fi s'a te nge là, lém sob tswe à mb'a ndùm ṅwa' là.

Yobkwi 5:10 Iomraidhean Croise

2 Samuél 15:31

Bo se' ntshob David ndù: Netèt ben tse bo ze ntsham o là Akitofél num bwe. A b'a bo Absalom. David tshob ndù: Tshùaben, a bwô o ghù ndù mi ntag Akitofél tù' ju banban!

2 Samuél 17:14

Absalom boa njoṅ benntùn fa Israél tshob ndù: Mi ntag Hushai ze Ark fà bu ntshùa mi Akitofél. Nda' ndù Tshùaben na' mbèn nkô nebiagte mi ntag Akitofél mi a be mi ntùn nà, num nelo' nge' nse' yi num Absalom.

2 Samuél 17:23

Akitofél be yen mba bo ke' zin a num mi ntag là, nabte kekwèn nène. A nèn la' i ntùm ko' se tusô. A tshob ze nu tunndà, nzwi wul i ze tu. Tshù mba Akitofél lo' nkwù yi là. Bo tshoṅ i ntùm fi tàab.

2 Kronika 25:16

Ndùs'a ke ntshob là, Amatsia tshob yi ndù: Bag lo lo' o ngù ngafà ntag mfen yi ké? Tum nsen ni, numk'o ndiag ndù bo lab o à? Ngatshob ntshob Nsi tum bwe, mbe tum ntshob ndù: Me lèn ndù Nsi jù' nebagt'o mb'o ghù yen nu là, ke bam neju' ntag màm nà.

Esta 7:10

Bo taṅ Haman num saṅ s'a na' nte tù num Mardokai là. Ndùlala yantù mfen kôgte.

Yobkwi 10:15

Be' bu tshùagkèt mèn mba mèn kebwô, te lag num mfànnu mi, biagt'é num miag mu.

Yobkwi 107:11

nummbe bo lo be ghatatu num ntshob Nsi, ngwag ntag Nsi z'a mfe tù là,

Yobkwi 17:13

Tshùaben lo nsi nzin nèn bin yi bumte, ma' i nsi. Lo' ṅwi o ntshu' àm yi mbu ghatshùagntù.

Yobkwi 31:18

Tshùaben, kà bam ndù tuswe ko àm ngelaṅ me tsiaṅ o là. A bwô ndù tuswe ko ghatshùagntù. A bwô ndù bo swe' nèn ngô fe ben à ntshu mi'i.

Yobkwi 35:26

A bwô ndù tuswe ko njoṅ benntùn fa. Ben tse bo tshwèt ntsiaṅte num nge' àm nà! A bwô ndù tshabte mba tuswe tsho num ben tse bo be ndo nsi num àm nà.

Yobkwi 55:15

Be lo ke ntamte njôg à ntùm fite. Bag à bin bwoṅ benntùn lo ke nèn ntùm Ndà Nsi!

Yobkwi 66:7

A be ntshùa njam ngù' i ntô njù matmat. Miag mi be nte num ngôngô. A ke bwô ndù ghatatu bù' tu yub nsi.

Yobkwi 71:13

A bwô ndù tuswe ko yube, a bwô ndù bo biagte ben tse bo be nkô nezwi àm nà. A bwô ndù tuswe kabte ben tse bo be ndiag ndù me bi là.

Yobkwi 79:12

Ba' tshabte ba ndùla' bag bo yoṅ sammbàa tà ntùm ntù tshobe. Me tshob à tshabte tse bo na' ntshabt'o yi là me Tshùaben!

Esaya 1:2

Kamànyam ju'u, tsha' kù' ntoṅ, nummb'a b'a Tshùaben bèn nke ntshobe: Me lo kém bon, nkwiagte yube, là tu wut tshob lo nsi num àm.

Esaya 1:20

Là, a be ze bin gha, nke nta be tu là, mba bo nsi lo' ṅwi watte zin yi, nummbe Tshùaben bèn ntshob ndùlala.

Esaya 63:10

Là, bo lo be ghatatu, ngù a nywin ntùm ywèt tse tse nelàne, ntù' ngakeban yub, nde' yub ntsho.

Nsindàvù 1:5

Ghafétt'é tshwèt njob ngu'u, tse ghakeban b'a ntùm fite; a b'a nummbe Tshùaben kôg i mfà nsi, mbe ndùlal'a num nukebwô tse ts'a yàm neshu là. Bon tse zin mba kuan nà mbwe ngafétte yube.

Daniel 9:5

bag lo ghù nukebwô, bag lo fàn nu, bag lo be ghatshùagntù, mbe ghatatu, nkag ntshù' mu bo ntag mu nsi.

Daniel 9:9

Tshùaben Nsi yag, kondèn bo lagte tù' lôt'a nda' wù, nummbe bag lèn ndù bag ta tu wù.

ṄWA'NI OSÉ 9:7

Lé'njù tse nenaṅ ntsha ku'u, lé'njù tse neyen nefà ntsho'fa' ku'u. A bwô Israél lène, bin ba Israél tshob ndù ngatshob ntshob b'a mbabune, mèn ze ywèt be num i là b'a ngazwiaṅte. Mba nukebwô tsin yàm nà, be ndaṅndaṅ tsin ghakeban nsi yàme.

1 Korintô 3:19

Nummbe zenu yen njù li b'a bà mbwe Nsi. Nummbe bo kite ndù: A num ntshùb ghazenu ntùm zete yub,

Nebwôgte 2:30

Là Sion mfen Hesbon ke faṅ bag tshùa la' i; nummbe Tshùaben Nsi o, lo kag sagntù yi, ndù a tshùa njam bwe nswèn i ntùm mbu mu, mb'o tshwèt njen sènni là me Israél.

1 Samuél 25:29

A be ze mèn ghù nkwate neyab njam o, nya' tu o là, mba Tshùaben Nsi o nsi lem o mbaṅ i, mfé' dù' z'a num ndé' ntù ben tse bwe là me tshùaben àm. Yen nà nsi be tôg a biagte ghakeban tsho, ma' yub ngùanesà mba bo num ma' loṅ num shùmte là.

1 Samuél 25:39

David be ju' mba Nabal kwù là ntshob ndù: Ghamte be Tshùaben z'a bùnte yàm nu num tshabte ze Nabal tshabt'àm yi là. A lo tshètte ngafa' i me neghù kebwô. Tshùaben ghù tshùagntù Nabal tsho a be kua' tu i. David tum bo nèn ntshob Abigail ndù a bam netù' nzwi i.