Yobkwi 48:2 - NTSHOB NSI

² Tshùaben b'a mèn ndùb, a nku'ni ndù bo fà ghamte yi; ntùm ngô Nsi yag. Mbal i ze nelàn,

Yobkwi 48:2 Iomraidhean Croise

Yobkwi 135:21

Ghamte be Tshùaben z'a mà Sion nà, yi z'a be ntswe Yérusalém nà. Aléluya!

Yobkwi 50:2

Nsi tsin mà Sion, dù' z'a bwô miagte là, nke nziage.

Yobkwi 76:2

Bo lèn Nsi mà Yuda. Lén se b'a se ndùb mà Israél.

Yobkwi 87:3

Bo lo tshob tshu nekuni num tu o, wù ngô Nsi.

Yobkwi 99:9

Bin ghamte Tshùaben Nsi yag, ngwù nsi mbwe mbal i ze nelàne! Nummbe Tshùaben Nsi yag b'a nelàne.

Esaya 14:13

O lo ke ntshob ntù o ndù: M'a' ko' nèn kamànyam, nte diaṅkwa sàm mfe num nsa maṅwù Nsi; m'a' tswe num tu mbat mbumte, num tôg i z'a be tu là.

Esaya 2:2

A nsi be ngelaṅ mànjam mbat Tshùaben b'a num ntshùa tsemo' mbale. Yen mbat là nsi nèn tù tshùa nkônga fa, njoṅ ngôngô fa ke nkù nda' nèn bwe.

Esaya 60:14

Nshumnshum ghafétt'o nsi se' vù nsi mbwe o, njoṅ benntùn fa tse bo ke ngwag o là vù num nku mu. Bo nsi tsiaṅ o tusô Tshùaben, Sion Mèn Nelàn Israél.

Esaya 66:10

Njoṅ zin fa bin be nkô Yérusalém, bin à bo tsiaṅte, bin fon zin tsiaṅte bwe. Njoṅ zin fa tse bin be nsivù num i là, bin ṅwate ntùm tsiaṅte bin à bo.

Yérémia 3:19

Me lo ke ntshob ndù: A ke lèn dù' mebwô ze me nsi fà wù netèt bon tshàm à! A ke lèn mebwô tsha', ke lèn ntsi' ntùn mi me nsi fà wù netèt ngôngô à! Me lo ke ntshob ndù: O nsi tsiaṅ àm ndù tàan! Ke bèn ntam àm mvèn o.

Nsindàvù 2:15

Njoṅ ghatshùagntù fa tshwèt mbu'te mbu num o, nke ntôte fin, nke nyi'te tu num ngon Yérusalém, nke ntshob ndù: A kua' tusô se bo ke ntsiaṅ i bwônja' li ké? Z'a b'a tsiaṅte nsitsha' fa li là ké?

Ezékia 20:6

Me lo sobve num bo sen lé'njù là ntshob ndù me nsi ghù bo tum mum ngô Egipto nèn mum ngô ze me tsho' bo là. Yen ngô là bwô ntshùate, ṅwa' bo mbùn num nké ntùm bwe.

Daniel 11:16

Mèn z'a nsi lo nsi num i là nsi ghù mb'a kô là, sàm mèn ke tsin mbwe i se se. A nsi tsin ntùm mbwô ngô, biagte mba ke lo z'a vù bu i là.

Daniel 11:45

A nsi kut ba ntàb mfen ni netèt dibantse bo kônga nelàne z'a be ntùm ngô ndù a bwô ntshùa tsemo' là. A b'a bwe là ze vùkob nsi koṅ i, kà sàm mèn ke ywimt'é là.

Daniel 8:9

Mo' metsit ndô nke' lo tum num mo' ndô netèt tse kuà, nku' neshu nze bag mà ntèn, nze bag mbinyam mba nze bag ngô z'a bwô neshu là (yen nà b'a ndù nze Palèstina).

Malashi 1:14

Ndon tu ngatatte z'a ghù fot nyàm netèt nyàm, nke nton nyàm z'a jum nà Tshùaben nà! Nummbe me b'a mfen ndùb, Tshùaben tàndà ntsho bèn ntshob ndùlala. Lén sàm b'a se nekuni netèt ngôngô.

Malashi 3:12

Tshùaben tàndà ntsho tshob ndù: A be ndùlala mba ngôngô nsi tsiaṅ zin ghafen, nummbe bin ke mfa' à mum ngô ze ntàm fù' mebwô be bwe là.

Matio 5:35

ke tsha' lo, nummbe a b'a kamnko' dù' z'a be nte nku mi là; ke Yérusalém no, nummbe a b'a ngô mfen ndùb.

Héber 12:22

Là bin ghebt'a mbaṅ mbat Sion, ngô Nsi z'a be ntùn nà, Yérusalém z'a kamànyam nà, bwoṅ Angél, ntse'te tsiaṅte,