Yobkwi 48:14 - NTSHOB NSI

¹⁴ Bin lôte ze kàbngô, bin zinte ntùm ntshwèl i, ndù bin ghù nsoṅ ben tse bo nsi tum mànjam nà;

Yobkwi 48:14 Iomraidhean Croise

2 Samuél 7:24

O lo ghù yu nzwit mèn Israél taṅ nga, ngum nsi, ndùlala ndù a be yu nzwit mèn matmat; wù Tshùaben lo tù' ze Nsi.

Yobkwi 16:2

Me be ntshob Tshùaben ndù: O b'a Tshùaben àm. Njoṅ yàm fu' fa b'a mbaṅ o.

Yobkwi 25:9

A be ntshagte bétni benntùn ntùm nunetsine. A be ntswite bétni benntùn manz'é.

Yobkwi 31:14

Me be nju' nkwate kebwô ben yàme, fétwut z'a lam àm mbum nà. Bo be ntamte ngù nkwate ghe'te num àm. Bo tam ntshu ngù ntshù' yi nebiagte yôg sàm.

Yobkwi 71:18

O Nsi, kà ghua' àm! Mba ngelaṅ me nsi ywèn kom fôg là, ndùlala ndù me soṅ neta o yen zwiaṅ benntùn ni, nsoṅ ngù' o zwiaṅ benntùn z'a nsi se' là.

Yobkwi 73:24

O nsi tshùa njam ntag mu tshagt'àm; o nsi bèn lo' àm ntùm ghamte.

Yobkwi 73:26

A be ze tu wul àm mba ntù àm bagte là, mba Nsi b'a gholoṅ ntù àm mba yàm bag i njoṅ ndù fa.

Tànkùt 8:20

Me ke nzin à num manze netsine, num ba manze ndaṅndaṅ.

Esaya 58:11

Tshùaben nsi ke b'a be ngatshagt'o, a nsi kém ntù o num dù' ts'a jum nà, bèn so ngù' mum nkam wut mu. O nsi be à mba nka' ze bo num nzwi' là, mba tôntse se ntse ke' be jumte bwe là.

Nsindàvù 3:21

Là, tshù ju ze me nsi yab ntù àm, ju z'a nsi ghù me ke nywinte li:

Nesiaṅe 9:22

Ke ndot tswe num tu ndà mbumte lé'njù bàa, ke ta' maṅwù ke netswe yàm no, mba bon Israél nsi tswe à be ntùm mbàn tshobe, ke nèn dù', ndot ko' nèn tù, bo lo ntam manze.

Yohané 16:13

Là ngelaṅ a nsi se'e, yi Ywèt nunenùn nà, a nsi tshagte zin ntùm nenùn fa; nummbe a ke nsi tshob à num ze tu, a nsi tshob njoṅ tshu fa ts'a ju' là, bèn tshob tshu ts'a nsi se' là bin.