Yobkwi 48:11 - NTSHOB NSI

¹¹ O Nsi, ndaṅndaṅ mba lén so là, yu ghamte nsi ju'ni tà nèn kum num ntôgnjù. Bu o ze zwim dun nunetsine.

Yobkwi 48:11 Iomraidhean Croise

Yobkwi 58:10

A bwô ndù a be bit ntù' njô mba kwékwénàndô là, mbe te' ke nejum no, ndù yantù o z'a be mba fetmbaṅ nà kel i nèn yi.

Yobkwi 97:8

Sion be nju' i ntsiaṅte. Ngonngon Yuda b'a ntùm ṅwate. O Tshùaben, mba num tsho tsho'te ntsha.

Nkwi Nkwi 1:5

Ngonngon Yérusalém, me b'a mèn nesèn mba tà ndùlala me bwô. Me sèn à mba nzwe ba ntàb Kédar là, mba mba' Salomon nà.

Nkwi Nkwi 2:7

Ngonngon Yérusalém, me tshob bin nkàn mfe num lén ba nyatnyàm boa kwinyàm tse bo be fèn nà mbe: Kà bin bam nkôni màm ke bèn nànt'é ke be ndù a kô mebwô.

Nkwi Nkwi 3:5

Ménnshum bùnte ndù: Ngonngon Yérusalém, me lo' lén ba njuanyàm boa nkwinyàm tshwèt nkàn mfe yi, kà bin kamte, kà bin kamte nkôni nsi, ke be ndù nkôni yoṅ ndo nsi.

Nkwi Nkwi 5:16

Ntshu i dun mbétni, njoṅ wul i fa dun batte. Ngonngon Yérusalém, tshù mba nshun àm be là, tshù mba kôntù àm be là.

Esaya 37:22

Tshù ntshob mi Tshùaben tshob num i li: Ngon Sion ze bo ke' tabt'é, bo tshwèt ngwag o, nke ntut'o. Ngon Yérusalém tshwèt mbe njam o nke nko' ngem nkembe' mi.

Sakaria 9:9

Ṅwate tsho me ngon Sion, tshag nz'o tù ntùm tsiaṅte me ngon Yérusalém! Tshù mfen o là z'a tshwèt nse' tèl o là a b'a mbétni mèn, mbe ngayob ngu'u, a mbétni mèn ndù a ko' num kekwène, num kekwèn z'a b'a metsit mén kekwèn nà!

Malashi 1:11

Neto' ntumnyam nèn nkum mbinyam, lén sàm b'a se ndùb netèt ngôngô; bo be nton tshu nelamte num nku'ni lén sàm njoṅ dù' fa; bo be mfà ts'a làn nà, nummbe lén sàm b'a se ndùb netèt ngôngô, Tshùaben tàndà ntsho bèn ntshobe.

Lukas 23:28

Yésu kaṅ wul i njam ntshob bènnzwi ndù: Ngonngon Yérusalém, kà bin kua' num àm, bin kua' a be num tu wut tsine, mba num bon tsine.

Apokalipse 15:4

Tshùaben, we z'a ke nsi bwôg o, be ke ghamte lén so à? Nummbe o b'a mèn nelàn tù' o, nummbe njoṅ ngôngô fa nsi se' vù nsi mbwe o, nummbe tsho netsho'te ntsha tswite wut tshobe.

Apokalipse 18:20

Kamànyam, tsiaṅte num i, bin ben nelàne, ghantum mba ghatshob ntshob Nsi, bin tsiaṅte, nummbe Nsi naṅ ntsha tu i, ngù nunetsin bin.

Ghasa'kame 5:31

Tshùaben, a bwô ndù ghakeban tsho bi yub à be ndùlala! Ben tse bo be nkô o là b'a mba lagnyam, ndùs'a be ntum bo njoṅ ze neta fa là. Ngô lo tswe fite ndùse yen nà tôg là ngu'njù ṅam nkuà.