Yobkwi 47:3 - NTSHOB NSI

³ Nummbe Tshùaben z'a tà mfe tù là kuni neshu. A b'a mfen ndùb num njoṅ nsitsha' fa.

Yobkwi 47:3 Iomraidhean Croise

Yobkwi 110:1

Yobkwi David. Tshù, Tshùaben Nsi tshob Tshùaben àm mfen ndù: Tswe num bag bu àm ze zwim, tà nkum ngelaṅ ze me nsi yab ghakeban tsho tun nku mu ndù bo be nko' nku mu là.

Yobkwi 18:47

Tshùaben te ku i num nenàfi, ghamte be ngabloṅ sàm. A bwô ndù me nyàmte Nsi ngayôg àm.

Yobkwi 66:5

Bin se' nze mfa' Nsi! A be nkuni neshu ngelaṅ z'a tshwèt ngù nu num bon mèn nyiaṅtu là.

Yobkwi 81:14

Ah! A lo mbe ndù ben tshàm be nju' àm! A lo mbe ndù Israél tshwèt nzin num tshàm manze!

Yobkwi 95:3

Nummbe Tshùaben b'a Nsi ndùb, a b'a mfen ndùb num njoṅ nsi fa.

Yobkwi 99:2

Tshùaben b'a mèn ndùb mà Sion. A b'a mfe tù num njoṅ benntùn fa.

Yérémia 10:7

Mfen ngôngô, we z'a ke nsi bwôg à? Mèn z'a bwô nebwôg i là b'a wù. Nummbe sàm mènntùn z'a be mba wù là ke' be netèt njoṅ ghazenu ngôngô, mba ntùm njoṅ tshob nufen fa.

Sakaria 14:9

Tshùaben nsi be mfen njoṅ nsitsha' fa; mum sen lé'njù là Tshùaben nsi be Tshùaben tù' i, lén se nsi be nkwi lén ntshù'.

Malashi 1:14

Ndon tu ngatatte z'a ghù fot nyàm netèt nyàm, nke nton nyàm z'a jum nà Tshùaben nà! Nummbe me b'a mfen ndùb, Tshùaben tàndà ntsho bèn ntshob ndùlala. Lén sàm b'a se nekuni netèt ngôngô.

1 Korintô 15:25

nummbe a nsi bwôgmbwe be mfen tà kum ngelaṅ z'a nsi ma' njoṅ ghakeban tse fa tun nku mi là.

Nebwôgte 33:29

Israél o be tsho a mènfen! We z'a be mba wù à? O b'a nzwit mèn ze Tshùaben tshu' i là. A b'a yu tshètntsho, mbe ṅwi nkuni mu. ghakeban tsho nsi se' ma' mbu wù, là o nsi nyiaṅte tshob dù' neṅate ntùm ngô nku mu.

Filipi 3:21

z'a nsi kaṅ wut nge' be, a tù' wut nkuni mi, num neta z'a ku'ni neghù a tô njoṅ tshu fa là.

Yoshua 21:44

Tshùaben ghù fite be bo bag bag mb'a na' ntshob nsaṅlaṅ bwe tà tshob là; sàm ngakeban yub ke bù' tu nsi num bo, nummbe mba Tshùaben nsi fà yub mum mbu bon Israél.