Yobkwi 45:9 - NTSHOB NSI

⁹ A lo yo' o mire, aloès mba kasia, ts'a tshwèt ndamte num nzwe tsho là. Ntùm ba ntshwèt nsô nsennyàm, ndoṅ nse' ghù ntù o nke ntsiaṅte ngelaṅ bo bu' là.

Yobkwi 45:9 Iomraidhean Croise

1 Fenfen 10:11

Nsitima Hiram mi a ket gol z'a Ofir nse' yi là lo ket mba ntù bù bwe boa ndoṅ tanjoṅ nse' yi.

1 Fenfen 2:19

Bat-Shéba lo nèn mbaṅ mfen Salomon neyab kam num tu Adoniya. Mfen lo nèn mbumte bo màab, nte ntunkekwi' mi nsi, mbèn njam ntswe num diaṅkwa se. Bo te ta' diaṅ mà mfen, a tswe num bag bu i ze zwim.

1 Fenfen 2:9

Là ndonni o ke nsi faṅ i kua' ndùlala. Mb'o b'a nkummèn nà, o nsi lèn mb'o ghù num i là. Ghù a lo' à lem kà nèn yi njam tsha' num ze ywèn.

1 Kronika 1:23

Ofir, Havila, Yobab. Tshen nà bèn mbe njoṅ bon bandum fa tse bo be Yoktan nà.

ṄWA'NI YOB 22:24

Ma' gol ntùm mbabe, Gol Ofir z'a be netèt nkwango' mi à ntùm mfub là.

Yobkwi 45:13

A bwô ndù ngon Tiro vù nsi mbwe i boa nda' nzenze. Ghafu' ntùm njù nsi ghamt'o.

Yobkwi 72:10

Fenfen Tarsis bo ba ngô tètntse nsi fà ntshub, fenfen Séba mba tse Saba nsi fà ba nda'.

Tànkùt 7:17

M'a' naṅ tshu nelamte num kunndà sàm, mire, aloès, kinamo.

Nkwi Nkwi 7:1

Ngonngon tsiaṅ i ntshob ndù: Bèn nse'e, bèn nse' me ngon Sulam. Bèn nse', bèn nse' bag lôt'o. Ménnshum bètte yub ndù: Ke ze bin lôte num ngon Sulam, mb'a b'a ta' ju nenyiaṅ ze bo tshwèt mbam kwi se ndaṅ mbàa à?

Esaya 49:23

Fenfen nsi be ghakém o, ngonngon tshob be ghakém o. Bo nsi vù nsi mbwe o kabkab, lat mbab nku mu. O nsi lèn ndù me b'a Tshùaben, mba ndù ben bo num njab ntù num àm nà ke nsi be ntùm tuswe.

Yohané 3:29

Mèn z'a ghù mènnzwi là b'a ndu mènnzwi, nshun ndu z'a tsin nsen nà, nju' nz'é là, tsiaṅte ntùm tsiaṅte neju' nze ndu. Yen tsiaṅte là z'a b'a yàm nà dun.

Apokalipse 19:7

Be tsiaṅte, ṅwate, mfà ghamte yi, nummbe nandà mén njùmbwe se'e, nzwi i nabte wul i;

Apokalipse 21:2

Me yen ngô nelàne, Yérusalém nswe swe' mfe kamànyam mbaṅ Nsi, ndù bo nabt'é mba ngon ze bo tsiagt'é num ndu i là.

Apokalipse 21:24

Ngôngô nsi zin ntùm nka' i, fenfen nsitsha' se' mfà nkuni mub yi.

Apokalipse 21:9

Mo' ta' i netèt ba Angél sammbàa tse bo tshùb ntu' sammbàa ts'a dun ba miagte nge' sammbàa là, se', ntshob me ndù: Se'e, me nsi la'te ngon wù, nzwi mén njùmbwe.