Yobkwi 45:7 - NTSHOB NSI

⁷ O Nsi, ko'fen so tswe matmat. Kôg fen so b'a kôg fen nunetsine.

Yobkwi 45:7 Iomraidhean Croise

1 Fenfen 19:16

O nsi yo' mba Yéhu nshum Nimshi lo' i ghù mfen Israél yi. Yo' Elisa nshum Shafat ze Abél-Mehola, ndo' i ngù ngatshob ntshob Nsi yi num yu dù'.

Yobkwi 101:8

Me nsi ke biagte ben kebwô mum ngô njoṅ nkebnjù fa. Ndùlala ndù me miagte ben tse bo be ngù nukebwô là mum ngô Tshùaben.

Yobkwi 11:7

Nummbe Tshùaben b'a mèn netsine, a be nkô nunetsine; ben nelàn nsi lôte se i.

Yobkwi 2:2

Fenfen ntùm njù kame, kamkam ghù ntse'te netèt bo num nebàn Tshùaben mba Mén i z'a yo' i mfèt là.

Yobkwi 21:6

Ghamt'é b'a ze ndùb num nu ywimt'o. O yab neziag mba nkuni num i.

Yobkwi 33:5

A be nkô nunetsin mba nu ndaṅndaṅ. Kondèn Tshùaben dun num nsitsha'a.

Yobkwi 89:20

Tshù, o lo tshob nu mèn z'o be nkô i là mum njem. O tshob ndù: Me lo yi'te ywimt'àm ta' ngatshùa ntsho. Me lo tsho' ménnshum netèt benntùn.

Yobkwi 89:26

Me nsi yab bu i num dibantse, yab bu i ze zwim num ta'ntse.

Yobkwi 99:4

A ta neshu, mfen z'a be nkô tsho'te ntsha là. A b'a wù bèn nke mféb nga nunenùn nsi. O be nte nunetsin mba nu ndaṅndaṅ, nke ngù njoṅ i fa Yakob.

Esaya 11:4

là, a nsi tsho'te ben nebol à ntùm netsine, ghù nu ndaṅndaṅ bwoṅbwoṅ tse bo num nsitsha' là. A nsi lo' ntshob mi lab nsitsha' yi mba shua' là, lo' fet nkub ntshu mi zwite ghatshùagntù yi.

Esaya 9:6

Nufen se nsi b'a ze ndùb, fite ke ndù i be num diaṅkwa tà njam i David bo nufen se. Tshùaben nsi te nufen se bèn tomt'é njam nu ndaṅndaṅ bo nunetsine, ndonni kà nèn miagte A b'a ju ze nkôni Tshùaben tàndà ntsho nsi ghù là.

Lévitiko 8:12

A naṅ mfèt yo' num tu Aron, njo' i, ndùlala ndù a lànt'é.

Matio 3:15

Là Yésu bùnte ntshob yi ndù: Faṅ nà, be ghù ndùlala ndonni, nummbe a bwô ndù be ghù njoṅ nunetsin fa bumte. Ndùlala, Yohané faṅ.

Matio 7:23

Ntùm sen lé'njù là me nsi tshob bo ndaṅndaṅ ndù: Me lo ke to' lèn zin tshàm, bin lo mbaṅ àm, nène, bin ghaghù nukebwô.

Lukas 13:27

A nsi bèn tshob bin ndù: Me ke' lèn dù' bin fe là! Bin nèn tà ngùanesà mbaṅ àm, njoṅ zin fa ghaghù nukebwô.

Lukas 3:22

Ywèt Nelàn swe', nse' num i ndù a tswe mba wut là, mba bwoṅsaṅ nà. Mo' nze fe kamànyam ntshob ndù: O b'a Mén àm ze me num nkô o, mbèn njab ntù àm fa num o là.

Yohané 1:16

Ntùm ze nedune, be lo kwé kondèn num kondèn njoṅ be fa.

Yohané 20:17

Yésu tshob yi ndù: Kà kwag àm, nummbe me ke' yoṅ nèn mbaṅ Tà. Là nèn mbaṅ fèt tshàm ntshob bo ndù me tshwèt ko' nèn mbaṅ Tàa mba Tà zin, mbaṅ Nsi àm, mba Nsi zin.

Yohané 3:34

Nummbe mèn ze Nsi tum i là ke ntshob à ntshob Nsi. Nummbe Nsi ke' be fi' Ywèt kà mfà.

Mfa' Ghantum 2:28

O ghù me lèn manze yôg, o nsi ghù me dun tsiaṅte mbwe o.

Roma 8:29

Nummbe ben ts'a lèn yub tà fe mbwe là, a lo bèn nabte yub tà fe mbwe, ndù bo be mfuni Mén i, ndùlala ndù a be tuswe Tà netèt fètfèt yàme.

Efésô 1:3

Ghamte be Nsi mba Tà Tshùaben be Yésu Kristô, z'a naṅ njoṅ mbotni Ywèt fa ts'a mfe kamànyam nà num be, num Kristô là.

Héber 1:9

o lo kô nunetsin, mbàn nukebwô, a ndùlala, Nsi, Nsi o lo yo' o mfèt neṅwate ntshùa shunku tsho,

Héber 2:14

Ndùlala, mba njoṅ bon fa b'a tse lem mba mbàb là, tu wul i lo tù' ze be ndaṅndaṅ, ndùlala ndù a tshùa njam vù se mbiagte tà vù, yen nà b'a ndù: Satan,

Héber 7:26

Yen ni b'a lèn ngale'te Nsi ze ndùb ze be ke nkô là, mèn nelàne, ke lèn nukebwô, kelo'; mèn ze bo fagt'é num ghaghù nukebwô, a nèn tù ntshùa kamànyam nà;

Apokalipse 21:27

Sàm ju nesagte, sàm ngaghù nu ṅu' mba sàm ngatatte ke nsi tsho bwe, nda' ben tse bo kite yub ntùm ṅwa'ni yôg mén njùmbwe là nsi bèn tsho bwe.

1 Samuél 16:13

Samuél lo' ndô mfèt, njo' i yi netèt fèt tse. Ywèt tsho num David fe num sen lé'njù là, mba ndù mànjam.