Yobkwi 45:2 - NTSHOB NSI

² Ntù àm dun ntshob ntùn! Me nsi ghù mfen àm ju' yobkwi sàm! Lém sàm b'a kùt ṅwa'ni nkum ngakite.

Yobkwi 45:2 Iomraidhean Croise

Yobkwi 21:6

Ghamt'é b'a ze ndùb num nu ywimt'o. O yab neziag mba nkuni num i.

Tànkùt 22:11

Mèn z'a kô neghù ntù nelàne, ngù ntshob mebwô num nkub ntshu mi là, mfen bèn mbe nshun i.

Tànkùt 5:2

Ndùlala ndù o lem nkwate, mba ndù nkub ntshu mu lem nelène.

Nkwi Nkwi 2:3

Ndaṅndaṅ mba tù tàm be netèt ntù mi a be fèn nà, a b'a ndaṅndaṅ mba ndu àm ze me num nkô i be netèt bon bandum nà. Me num nkô, mba m'a' tswe nsi bam netshaṅ i, tàm se bèn mbwô ntshu àm nejù.

Esaya 33:17

Miag mu nsi yen mfen ntùm nkuni mi, bo nsi ze ngô z'a zi neshu là.

Esaya 50:4

Tshùaben lo fà ntshob ta' ngazi'te nu i me, ndùlala ndù me lèn neke ntomte mèn z'a bot là. A be mbam àm mba zit nkebnjù lo, a be tôte màm ndù me ke nju' ndaṅndaṅ mba ghazi'te be nju' nu yi là.

Esaya 61:1

Ywèt Tshùaben Nsi num num àm, nummbe Tshùaben lo yo' àm num nelo' nkùn mebwô nèn ntswi ghayennge'; a tum àm ndù me nèn njate ben tse ntù yub be' là, ndù me tshob ndù kuan tswe yub tu, ndù me tshob ndù bo kag ghandàtsha,

Sakaria 9:17

Tshù mba bo nsi bwô njene, tshù mba bo nsi ziag njene! Ngefet nsi ghù nshumnshum ku'u, ndu' nedùmte ghù ngonngon ku'u.

Matio 17:2

wul i kaṅ mbwe bo, se i ziag mba lagnyam nà, nzwe tse tù' fôgtab mba nka' là

Lukas 4:22

Njoṅ benntùn fa nke nkwé nta mi, mbèn nyàmte ntshob mi a ke ntum ntshu i ndù a dun kondèn nà. Bo nke ntshob ndù: Yen ni ke b'a mén Yosèf ké?

Yohané 1:14

Ntshob lo tù' mènntùn, nke ntswe netèt be; be yen nkuni mi, nkuni mi a kwé Tà, yi z'a be nkwi Mén ntshù', ndù a dun kondèn mba nenùn nà.

Yohané 7:46

Ghafa' bùnte ndù: Mèn ke' yoṅ nto' tshob nu ndaṅndaṅ mba yen mèn ni tshwèt ntshob là.

Héber 7:26

Yen ni b'a lèn ngale'te Nsi ze ndùb ze be ke nkô là, mèn nelàne, ke lèn nukebwô, kelo'; mèn ze bo fagt'é num ghaghù nukebwô, a nèn tù ntshùa kamànyam nà;