Yobkwi 44:3 - NTSHOB NSI

³ O lo lo' bu o nta' ngôngô yi kà nte yube. O lo sate benntùn kà ngù bo nga'te yub ngô.

Yobkwi 44:3 Iomraidhean Croise

2 Samuél 7:23

Mo' ta' ngô num bwe nsitsha' mba yu nzwit mèn Israél ké? Wù Nsi lo se' ntshu' i nelo' ngù yu nzwit mèn yi, ntshùa num i nte lén so. O lo ghù ba nsa boa nu netshàme, ndo' nta' ngôngô boa nsi tshob yi mbwe yu nzwit mèn z'o tshu' i bu ba Egipto là.

2 Kronika 20:7

A ke b'a wù Nsi yag na' mbèn nta' ben tse bo na' mbe ntùm yen ngô li mbwe yu nzwit mèn Israél ké? O lo fà ngô nzwit Abraham matmat nummb'a lo ke nkô o.

Yobkwi 111:6

A la'te neta ngù' mfa' mi ze nzwit mèn; mfà ntsi' ngôngô bo.

Yobkwi 17:7

La'te kondèn o, wù ngayôg ben tse bo be ndiag ndàlem num o là. O be njôg yub mbwe ben tse bo be maṅte neta o là.

Yobkwi 20:6

A bwô bag tsiaṅte num yu netshùa ntsho, a bwô ndù bag bù' fenkaṅ nsi num lén Nsi yag. A bwô ndù Tshùaben bam njoṅ tshu fa ts'o lon nà.

Yobkwi 4:6

Bin fà jule'te Nsi ze nenùne, mbèn mfà wut tsin Tshùaben.

Yobkwi 42:11

Mvôg màm be mbe'te ntùm bwe ngelaṅ ghatsho' nku màm kebàn be ntshabt'àm, nke ntshob me njoṅ ndù fa ndù: Nsi o b'a yà là.

Yobkwi 42:5

Me num nke nkwimte ntùm ntù sobni, ngelaṅ me ke ntôg netèt kamkam nke nèn Ndà Nsi là. Me be nkwimte tshu'te tsiaṅte mba ghamte netèt bwoṅ benntùn mum lé'njù jùa.

Yobkwi 74:11

Numk'o mbèn bu o njam, bu o ze zwim à?

Yobkwi 77:15

O b'a Nsi z'a fa' mfa' nekuni là. O lo ghù neta o tum netèt benntùn.

Yobkwi 78:55

A lo ta' ntumntum mbwe bo, ngabte ngô bo mba ntsi' là. Ngù nzwit Israél tswe ntùm ntàb tshobe.

Yobkwi 80:16

Tshètte ju ze bu o ze zwim bwe là, mba mén mandum z'o tsho' i là.

Yobkwi 80:9

O lo fiaṅ mo' nkùa mà Egipto; o lo ta' ntumntum, kà mbwe i.

Netume 15:16

Bwôg bo nge' lo kab mbu num bo. Neta bu o lo ghom yub bwôg, tà nkum ndùse yu nzwit mèn tshùa là me Tshùaben, tà nkum ndùse nzwit z'o na' ntshu' yub tshùa là.

Esaya 63:12

A lo tshagte Mosé bu i ze zwim, bu i ze nekuni. A lo keb ntse mbwe bo, ndù a ghù lén se ghô matmat.

Sakaria 4:6

Ndùlala a tshob me ndù: Men ni b'a ntshob mi Tshùaben tshwèt tshob Zorobabél là: A ke b'a nu ngù', ke be nu neta, là nda' njam ywèt tshàm, Tshùaben tàndà ntsho bèn ntshobe.

Nesiaṅe 14:8

Ntù Tshùaben bwô num be mb'a nsi lo' be nèn yi ntùm yen ngô là ze mbùn na' mba ṅwa'a yàm ntùm bwe neshu là.

2 Korintô 4:7

Là bag ghù yen junkàb l'a ntùm nkab tsha'a, ndùlala ndù yen neta là z'a gha' mbu là b'a ze Nsi, ke fe à bag.

Nebwôgte 10:15

Là, lèn ndù Tshùaben na' nkô a nda' tà tsho nso wut num bo; bo be tôg yub a bèn nkô a nzwit yub, bin ts'a tsho' zin netèt ntumntum, mba bin tshwèt njen sènni là.

Yoshua 24:12

Me lo tum makùakoṅ mbwe bin, ndù bo ta' yub ntshag ngùanesà num miag mine, mba bo na' nta' fenfen Amor bàa là. Ṅwi o, ke két so lo, lo ke ghù mo' ju bwe.

Yoshua 3:10

A bèn ntshob ndù: A nsi tshùa ndùlala bin lèn ndù Nsi z'a be ntùn nà num netèt bin, mba ndù a nsi yoṅ ba Kanaan, ba Hit, ba Hébéa, ba Férésia, ba Guirgasia, ba Amor boa ba Yébusia mbwe bin.

1 Samuél 12:22

Tshùaben ke nsi ghua' ze nzwit mèn, num nu lèn se se ndùb, nummbe Tshùaben jù' nelo' zin ngù ze nzwit mèn yi.