Yobkwi 43:4 - NTSHOB NSI

⁴ Ndù me zi nèn mbaṅ tômbwôg le'te Nsi, Nsi z'a be mfà tsiaṅte mba ṅwate là. O Nsi, me nsi ghamt'o num loṅe, mbelàbe.

Yobkwi 43:4 Iomraidhean Croise

2 Samuél 6:5

David boa tunndà Israél fa lo ke mbu' tshu mbwe Tshùaben. Bo lo' à tshu nebu' ju yi tse bo lo' ntshwèn bù nkom yi là: Ndoṅ nse', ndoṅe, ba lammbé, ba mbelàbe, boa ba netsha'a.

Yobkwi 26:6

Me be nsôg mbu màm nummbe me b'a mbu'u. O! Tshùaben, me be diaṅ tômbwôg nele't'o yi mbume.

Yobkwi 33:2

Ghamte Tshùaben num loṅe, bin ghamt'é num loṅ s'a ghù nsa gham nà.

Yobkwi 42:6

Ntù àm, o bot numke? O ke mvètte ntùm bwe numke? Nywinte num Nsi, nummbe me nsi bèn nyàmt'é. A b'a ngayôg àm, mba Nsi àm.

Yobkwi 57:8

Ntù àm tswe'te, o Nsi, ntù àm tswe'te. Me nsi yob kwi, me nsi bù'te nze tshu nebu'u!

Yobkwi 57:9

Ntù àm, bam num miaglo! Loṅ sàm mba loṅ nse'e, bin bam num miaglo. Me nsi bam mfôgnjù.

Yobkwi 63:2

O Nsi, o b'a Nsi àm, me be ndiag o. Ntù àm tshwèt nkù neyen o, me tshwèt nkô neyen o, me b'a mba dù' tsha' z'a ghage, njume, ntse ke be bwe là.

Yobkwi 81:2

Bin yob kwi ṅwate num Nsi z'a be ze be neta là. Bin tshag nze zin tù, ntsiaṅte num Nsi Yakob!

Esaya 61:10

Me nsi tsiaṅte num Tshùaben. Ntù àm nsi dun ṅwate num Nsi àm, nummb'a ma' nzwe yôg num àm, ndaṅndaṅ mba tshe' ndu ngon be nkwi wul i, ndaṅndaṅ mba nkwa mi ménngon be nkwi wul i yi kà ntsin mbwe ndu i là.

Sakaria 13:9

Me nsi ma' yen bag i ntshù' num bag tse tat là ntùm mbwôge, lànt'é mba bo be ndànte nkàb là. Me nsi lànt'é mba bo be ndànte gol là. A nsi tsiaṅ lén sàm, me ju' nz'é mbame; me nsi tshob ndù: A b'a yàm nzwit mèm, tu wul i tshob ndù: Tshùaben b'a Nsi àm.

Roma 5:11

Ke b'a nda' ndùlala, bag à bin num nta' nsoṅ num Nsi ntshùa njam Tshùaben be Yésu Kristô z'a fà netamte be fe ndonni là.

Apokalipse 5:8

Ngelaṅ z'a kwé ṅwa'ni là, tshu ntùn mba ywèn benntùn ntshob kuà ṅam mbàa vù mbwe mén njùmbwe, ndù mba zit lo tshùb loṅe, mba ntu' gol ts'a dun labinda là, tshen ni b'a le'te Nsi ben nelàne;