Yobkwi 43:1 - NTSHOB NSI

¹ O Nsi, ghù nunetsin me, tshètt'àm num nzwit ben tse kondèn ke bo là, tshu' àm mbu ghafùte mba ghafànnu.

Yobkwi 43:1 Iomraidhean Croise

2 Samuél 15:31

Bo se' ntshob David ndù: Netèt ben tse bo ze ntsham o là Akitofél num bwe. A b'a bo Absalom. David tshob ndù: Tshùaben, a bwô o ghù ndù mi ntag Akitofél tù' ju banban!

2 Samuél 16:20

Absalom tshob Akitofél ndù: A bwô bin tamte mbètte, ndèn mba be nsi ghù là.

2 Samuél 18:8

Ntsho lo' njoṅ dù' fa ntùm ngô, ben tse bo kwùte fèn nà yàm ntshùa tse bo kwù ṅwi là sen lé'njù là.

Yobkwi 140:5

Tshùaben, béb àm mum mbu tshùagkèt mèn, tshètt'àm num ngafètte lem, ben tse bo be nkwate neghù me tiag là,

Yobkwi 26:1

Yobkwi David. Tshùaben ghù nunetsin me! Nummbe me ke nzin à ntùm mebwô. Me yab ntù àm num Tshùaben, me ke zi ntiage.

Yobkwi 35:1

Yobkwi David. Tshùaben ma' ghakamt'àm ntsho.

Yobkwi 35:24

Tshùaben Nsi àm, lo' yu nunetsin ntsho't'àm yi! Ndù kà bo bèn nke ntsiaṅte num àm!

Yobkwi 5:6

nga, kagni ke' ghù netsin mbwe o; o num mban ghatshùagntù,

Yobkwi 54:3

O Nsi, tshùa njam lén so njôg àm. Tshùa njam yu neta, ngù nunetsin me!

Yobkwi 7:7

Tshùaben! Lo tù ntùm yantù o. Lo tù num tshùagntù ghama'ni àm. Bam num miaglo njwimt'àm, ngù netsho'te ntsha be!

Yobkwi 7:8

Ke mbumte ngôngô lam o mbum no, o bèn ndo nsi num i.

Yobkwi 7:9

Wù Tshùaben ngatsho'te ntsha ngôngô. Tshùaben! Tshùa njam yàm nunetsin mba yàm nebe mbu'u ntsho'te ntsha àm.

Yobkwi 71:4

Nsi àm, tshu' àm bu nukebwô, bu mèn kebwô mba ngafètte lem.

Yobkwi 75:7

Nummb'a ke b'a bag ntumnyam, bag mbinyam ke kônkwa lo ze ṅate be mfe bwe là.

Tànkùt 22:23

Nummbe Tshùaben nsi tshètte njam yub, biagte yôg ben tse bo na' ndag ntsha' yub là.

Tànkùt 23:11

nummbe Tshùaben z'a be njagte mba' yub là b'a nga ngù', a yi bèn lo nsi num o, tshètte yub njam!

Mika 7:9

Me nsi fènte yantù tshùaben, nummbe me lo ghù nukebwô num i; tshù me nsi fènte i tà kum ndùs'a tshètte njam àm, ngù nu ndaṅndaṅ me là; a nsi tshagt'àm mbaṅ nelàne, me nyàmte ze nunetsine.

1 Korintô 4:4

Nummbe me ke' lèn sàm ju ze me fàn nà, là mba ndùlala me ke b'a mèn netsine, ngatsho't'àm b'a Tshùaben.

1 Pétro 2:23

yi ze bo so ndon tu i, a ke so ndon tu mèn; yi z'a yen nge' ke tshètte, là mfà njoṅ i fa mèn z'a num ntsho'te ntùm netsin nà;

1 Samuél 24:15

Mfen Israél ke njab à njam we ndù à? O ke njab à njam ta' ntshèt ngwa.