Yobkwi 42:5 - NTSHOB NSI

⁵ Me num nke nkwimte ntùm ntù sobni, ngelaṅ me ke ntôg netèt kamkam nke nèn Ndà Nsi là. Me be nkwimte tshu'te tsiaṅte mba ghamte netèt bwoṅ benntùn mum lé'njù jùa.

Yobkwi 42:5 Iomraidhean Croise

ṄWA'NI YOB 13:15

Tshù, Nsi a' zwi àm! Me ke tshwèt mbèn nywinte sàm ju. Nda' ndù m'a' tshètte yàm njam mbwe i num nzin màm.

Yobkwi 35:14

Me lo ke nsoṅ wul à nsi mb'a b'a num mo' nshun nà, mb'a b'a num mo' mfèt là, nke ntse'te wut ntùm nge' mb'a b'a num vù mo' mà là.

Yobkwi 37:7

Tswe ntshu mi' mbwe Tshùaben, nywinte num i. Kà ya ntù mèn ze njoṅ manze tse fa zin mebwô là, num mèn ze njoṅ nkwatenu mi mi kebwô fa be ngwù lag là.

Yobkwi 38:6

Nkeko' màm tshwèt ndame, nya'te, mfe à num yàm bà.

Yobkwi 42:11

Mvôg màm be mbe'te ntùm bwe ngelaṅ ghatsho' nku màm kebàn be ntshabt'àm, nke ntshob me njoṅ ndù fa ndù: Nsi o b'a yà là.

Yobkwi 43:5

Ntù àm, o bot numke, o ke mvètte ntùm bwe numke? Nywinte num Nsi, nummbe me nsi bèn nyàmt'é. A b'a ngayôg àm, mba Nsi àm!

Yobkwi 44:3

O lo lo' bu o nta' ngôngô yi kà nte yube. O lo sate benntùn kà ngù bo nga'te yub ngô.

Yobkwi 56:11

Me nsi ghamte Nsi, me nsi ghamte ntshob mi. Me nsi ghamte Tshùaben, me nsi ghamte ntshob mi.

Yobkwi 56:3

Ghamaṅt'àm be nkamt'àm bag bag njoṅ lé'njù fa. Ben tse bo be ma' àm ntsho là yàm.

Yobkwi 61:2

O Nsi, ju' nkua' màm. Kù' ntoṅ num yàm le'te.

Yobkwi 71:14

Mba me là, me nsi nywinte njoṅ ndù fa, me nsi ke nyàmt'é yàm yàme.

Yobkwi 77:3

Me be ndiag Tshùaben mum lé'njù nge' sàm. Me be nyit mbu màm tèttswe' ke bot; ntù àm ke tshwèt nkô sàm fitentù.

Esaya 30:29

Mba bin nà, bin nsi yob nkwi, mb'a mi bo num njob tèttswe' lé'njù jùa là. Bin nsi ghù tsiaṅte ntù bin mba mèn ze bo tshwèt ndo' ndô netô nke ntshagt'é yi, a nke nèn num mbat Tshùaben, z'a be se gholoṅ Israél là.

Esaya 50:10

Mba we lo netèt bin z'a tshwèt mbwôg Tshùaben nà ju' nze ngafa' i! Mba we lo z'a tshwèt nzin ntùm njame, nelàn bwoṅ yi là yab ntù i num lén Tshùaben, nke njé'te num lén Nsi i.

Nesiaṅe 6:26

Tshùaben fà se i nke ndôt'o, mfà fite wù.

Matio 1:23

Tshù, ménngon nsi be jùm, bwe mén mandum, bo tswi lén se ndù Emmanuél, yen nà bagt'a ndù: Be à Nsi bèn mbe.

Matio 26:38

A tshob bo ndù: Ntù àm tshwèt nywin tà ntù' b'a ze vù. Bin tswe nsen ni, bag à bin zi tshùalo.

Matio 28:20

bin tswite yub neze njoṅ tshu fa tse me na' ntshob bin nà. Tshù, bag à bin bèn ke be njoṅ lé'njù fa, tà kum miagte njù.

1 Samuél 30:6

David b'a ntùm sobni ndùb, nummbe ngô lo ke ntshob mbe bo a' tamte David ndoṅ. Njoṅ yub fa lo b'a ntùm zwentù, mba we lo be ndùlal'a num nshum tse boa ngonngon tse. Là David tshùb fènntù, njé'te num Tshùaben Nsi i.