Yobkwi 42:4 - NTSHOB NSI

⁴ Ntsenyà màm b'a yàm jujù; mbwôgtshù mba tèttswe'. Ngelaṅ bo be ntshob me njoṅ ndù fa ndù: Nsi o b'a yà là.

Yobkwi 42:4 Iomraidhean Croise

2 Fenfen 18:30

Kà Ezékia neghù bin mi nke njab ntù num Tshùaben, nke ntshob ndù: Tshùaben nsi tshu' yage, sen tusô li ke nsi vù ntùm mbu mfen Asiria.

2 Fenfen 18:32

tà nkum ndùse me se' lo' zin nèn yi ntùm ngô z'a fute zine, ntùm ngô ngefet bo ndu', ngô bàn bo ntù ndu', ngô nten mfèt bo ṅwa'a, dù' ze bin nsi yôge, ke kwù là. Kà bin ju' ju ze Ezékia tshob là, nummb'a ghù nefùte zin ntshob ndù: Tshùaben nsi tshu' be.

2 Kronika 7:10

A be num mbatte lé'njù ntshob tat ṅam mbàa ntùm ṅwù sammbàa, Salomon lé'te ngô, mba we lo bèn ntùm ze ntàb. Bo bèn à ntù tsiaṅte num mebwô ze Tshùaben na' ngù David, Salomon bo Israél ze nzwit mèn nà.

ṄWA'NI YOB 29:2

Be we bèn ngù me be mba me na' mbe, ndùse Nsi na' nke ndôt'àm n'à!

Yobkwi 100:4

Bin lo' nyàmte ntsho yi ntùm nzendà tse, ndo' njobkwi ntsho yi ntùm bam ntshundà tse. Bin ghamt'é, bin ghamte lén se!

Yobkwi 102:10

Me ke njù à bwembwôg ndùs'a lo mbwô ndù me jù bàn nà, nke mbwete ntsenyà màm yàm ju nenu,

Yobkwi 115:2

Be ba ghakelèn Nsi tshob ndù: Nsi yub b'a yà ndùke?

Yobkwi 122:1

Yobkwi ko'ko'. Se David. Me num tsiaṅte ngelaṅ bo tshob me ndù: Be nèn mà ndà Tshùaben nà!

Yobkwi 122:8

Num nkôni fèt tshàm, shun tshàm, bam ndù me tshob ndù: Fite be wù.

Yobkwi 55:14

A b'a wù ze me ke ndo' o mba nguan àm nà, wù z'o lèn sàm tsham, mbe nshun àm nà.

Yobkwi 62:8

Yôg sàm mba ghamt'àm ke mb'a num Nsi. A b'a ngabloṅ z'a be nkabt'àm nà, yàm ndàlem b'a num Nsi.

Yobkwi 79:10

Be ba tum tshob ndù: Nsi yub b'a yà numke? A bwô ndù bo lèn mbwe bag, netèt ba tum, ndù o yagte mba' lem ghafa' tsho, lem tse bo na' mfètte là!

Yobkwi 80:6

O be nkém yub bàn ntsenyà. O be ngù bo nu ntsenyà k'a tshùa yube.

Esaya 30:29

Mba bin nà, bin nsi yob nkwi, mb'a mi bo num njob tèttswe' lé'njù jùa là. Bin nsi ghù tsiaṅte ntù bin mba mèn ze bo tshwèt ndo' ndô netô nke ntshagt'é yi, a nke nèn num mbat Tshùaben, z'a be se gholoṅ Israél là.

Nsindàvù 2:19

Lo nsi, tsham zwe mba num sit laṅ njù lo tèttswe'. Sate ntù o mba ntse be nsa là mbwe Tshùaben. Tshag mbu mu tù, nde't'é num tu bon tsho, tse bo tshwèt nkwù nziku' num ntôg njoṅ manze fa là.

Nsindàvù 4:1

A ndùke! Gol ke' bèn neziag ké? Gol mebwô zwe' ké? Bo sate ndoṅ dù' nelàn num njoṅ ntôg manze fa.

Ezékia 46:10

Mén mfen nsi tsho ndà bo à bo, bèn tum ngelaṅ bo tum nà.

Yoél 2:17

A bwô ndù ghale'te Nsi tse bo be ghafa' Tshùaben nà tsin nzendà bo tômbwôg le'te Nsi, nkua' ntshob ndù: Tshùaben béb ngô o, kà kag ntsi' mu ntùm tuswe, ndù ba tum tshabte yub ntshob ndù: Nsi yub b'a yà?

Lukas 16:25

Abraham bùnte yi ndù: Mén àm, kwimte ndù o lo kwé yu bag i, ntswe mebwô ngelaṅ o na' nke' ntùn nà, Lazaro nke njen nge'; ndonni bo tshwèt mfite ntù i, là tu wul o, o nke njen yu nge'.

Nebwôgte 16:11

O nsi tsiaṅte ntùm dù' ze Tshùaben Nsi o tsho' nete lén se bwe là, mbwe tu wul i, wù bin nshum o, ngon o, ngafa' o ze mandum mba ze mènnzwi, mén Lévi z'a la' o là, ngùn, ménntse mba mfôg mènnzwi tse bo be ndà o là.

ṄWA'NI RUT 1:21

Me lo be nèn ndù mbu màm dun, ndonni Tshùaben be lo' àm bèn yi njam, me b'a mbu ndaṅe. Be bin bèn ntsiaṅ àm Naomi ndùse Tshùaben tam bu i num àm, Nganeta Ntshùate ghùtni àm n'a ndùke?