Yobkwi 4:5 - NTSHOB NSI

⁵ Bin vètte, ke bèn neghù nukebwô. Bin tshob nu yi ntù bin num nkunndà mine, mi ntswe.

Yobkwi 4:5 Iomraidhean Croise

2 Samuél 15:12

Ndùse Absalom ke mfà tshule'te là, a tum bo nèn ndiag Akitofél tusô Guilo. A na' mb'a ze ngafà ntag David. Neze ntsham mfen nke nta nèn be mbwe, ngô nke nèn njam Absalom be kua' yàm yàm neshu.

Yobkwi 2:12

bin tate nku mi, mbwôg ndù k'a ya ntù, ndù kà bin bi num zin manze. nummb'a tù' mén nda'nda' yantù i kame. Mènfen b'a mèn z'a be njab ntù i num i là.

Yobkwi 26:1

Yobkwi David. Tshùaben ghù nunetsin me! Nummbe me ke nzin à ntùm mebwô. Me yab ntù àm num Tshùaben, me ke zi ntiage.

Yobkwi 37:3

Yab ntù o num Tshùaben, ngù numebwô. Lo' ngô ngù dù'ntswe yi, jù ju, njôg ntùm fite.

Yobkwi 50:14

Ju ze b'o ghù Nsi là b'a nenyàmt'é, mbèn ngù ndù yu nka'ni z'o ghù Nsi z'a tà mfe tù là bumte.

Yobkwi 51:19

Yàm ju nele't'o yi, a b'a ywèt ts'a be'te là; o Nsi, o ke' be tshèt ntù z'a be'te là, mba ntù z'a tswe zwe là.

Yobkwi 62:8

Yôg sàm mba ghamt'àm ke mb'a num Nsi. A b'a ngabloṅ z'a be nkabt'àm nà, yàm ndàlem b'a num Nsi.

Yobkwi 77:7

Me num nkwate njobkwi màm tèttswe'; ngù nkwate mà ntùm ntù àm, ywèt tshàm siaṅte nu.

Esaya 50:10

Mba we lo netèt bin z'a tshwèt mbwôg Tshùaben nà ju' nze ngafa' i! Mba we lo z'a tshwèt nzin ntùm njame, nelàn bwoṅ yi là yab ntù i num lén Tshùaben, nke njé'te num lén Nsi i.

Esaya 61:8

Nummbe me Tshùaben num nkô nunetsine, nke mban tshô bo nukebwô. Me nsi be nenùne, fà yub nda' bo. Me nsi wat kàn s'a tswe matmat là bag à bo.

Malashi 1:8

Ndùse bin fà nyàm z'a vù fù là mba ju nele'te Nsi là, mb'a ke nukebwô ké? Ndùse bin fà nyàm ze ku i be' là mb'a ke nukebwô ké? Ndùlal'o fà ngomna o mb'a nsi yen o lag mebwô, mb'a nsi lo' o mebwô ké? Tshùaben tàndà ntsho bèn mbètte!

Matio 5:23

A be z'o lo' ju neghamte Nsi, nèn yi tômbwôge, nkum bwe, nkwimte ndù bin mfèl o ghù ntsha là,

Nebwôgte 33:19

Bo nsi tsiaṅ ngôngô num mbale, bo tsho bwe mfà tshule'te tse nenùne, nummbe bo a' lo' tshunkàb dibantse là boa tshen nà ts'a lem ntùm nkwango' là.

1 Pétro 4:19

Ndùlala, a bwô ndù ben tse bo tshwèt njen nge' mba Nsi kô là fà ntù tshob Mbom mèn ze nenùne, ntùm neghù numebwô.