Yobkwi 4:3 - NTSHOB NSI

³ Bon benntùn, bin nsi tsin netshabte ghamt'àm à ndùke? Bin nsi faṅ nekô tshu banban mba nediag tatte Nsi à ndùke?

Yobkwi 4:3 Iomraidhean Croise

Yobkwi 31:23

Me lo ke ntshob ntùm yàm nenànte ndù: Bo ta' àm ntshag tà ngùanesà mbwe o! Là o lo ju' nze njoṅ tshàm le'te fafa, ngelaṅ me ke nkua' ntsiaṅ o là.

Yobkwi 34:15

Kù nukebwô, ngù numebwô. Diage, mbèn ntam njam fite.

Yobkwi 49:3

Bônke' mba ndùbndùb, Ghankàb mba bwoṅbwoṅ, bin kù' ntoṅ nju'u!

Yobkwi 50:5

Bin tse'te ben tshàm tse nenùne, tse bag à bo wat kàn njam jule'te Nsi là.

Yobkwi 56:9

O siaṅte njoṅ nge' tshàm fa. Bo ke' kite njoṅ i fa ntùm ṅwa'ni ké? Lette njoṅ ntsenyà màm fa ntùm ntu' o.

Yobkwi 6:8

Nenywin sènte miag màm fa, ben tse bo be ntsho' nku màm kebàn nà ghù me ywèn.

Yobkwi 62:10

Bon mèn nyiaṅtu b'a ju banban! Bon mèn nyiaṅtu b'a ghatatte. Bo ghù netamte njoṅ yub fa nko' num kilô, mfùag ntshùa ywèt ntshu mèn.

Netume 33:16

Be bo lèn à ndùke mbe me mba yu nzwit mèn fon kondèn num miag mu à? Bo ke nsi lèn à ngelaṅ o tshwèt nzin bag à bin, mfagte yag nu boa njoṅ nzwit benntùn fa tse bo be num nsitsha' là ké?

Yohané 15:16

A ke b'a bin na' mbèn ntsho' àm, là, a b'a me na' mbèn ntsho' zine, mbèn njab zine, ndù bin nène, mba ndù bin yam ntàme, mba ndù ntàm min bèn ntswe, ndùlala ndù mba ke lo ze bin nsi bètte Tà num lén sàm nà, a fà bin.

Efésô 2:10

nummbe bag à bin b'a ju ze Nsi nabte là, ndù a lo nabte be à num Kristô Yésu num mfa' mebwô mi a nabte tà fe mbwe, ndù bag à bin ke nzin ntùm bwe là.

2 Timôtio 2:19

Mba ndùlala, tseba' Nsi ze neta tsin tù ndaṅndaṅ, ndù Nsi san i yen sitam ni ndù: Tshùaben lèn tse ben, mba ndù: Mba we lo z'a nsi tsi lén Tshùaben nà, gha nuketsin!

Titô 2:14

z'a na' mfà tu wul i num tu be, ndù a tshu' be num njoṅ nukebwô fa, ndànte nzwil i z'a tsho'o, a nke nta num mfa' mebwô là.

1 Pétro 2:9

Là bin b'a nzwit ze Nsi tsho' là, ntshufa' le'te Nsi mfen, ngô nelàne, nzwit ben tse Nsi tse'te là, ndù bin tshob mfa' mebwô mèn z'a tsiaṅ zin ntùm njame, num nka'ni i ze neghamte là.

2 Pétro 2:9

Ndùlala Tshùaben lèn nekwé ghaghamt'é ntùm laṅte, là ndèn nelé' ben ketsin mum lé'njù netsho'te ntsha z'a nsi naṅ ntsha tu bo là,