Yobkwi 39:6 - NTSHOB NSI

⁶ Tshù, o fà mfi' lé'njù tshàm, a b'a njoṅ tôbu mèn, yôg sàm ke b'a sàm ju mbwe o. Ṅ, mba zit mèn no z'a tsin tù là b'a mba ywèt ntshu là.

Yobkwi 39:6 Iomraidhean Croise

ṄWA'NI YOB 14:1

Mènntùn ze mènnzwi bwe i là, lé'njù yôg tse kag; là yôg se b'a be ntùm nge' ke faṅ lé'njù.

ṄWA'NI YOB 7:16

Me wag yube! Me ke nsi yôg à matmat. Faṅ àm nà, nummbe yôg sàm b'a nda' ta' ywèle.

ṄWA'NI YOB 7:7

Nsi, kwimte ndù yôg sàm b'a ta' mfùag. Miag màm ke nsi bèn yen fu'.

Yobkwi 127:2

Bin ke ndo nsi mà nkebnjù à banban, bin ke mbe zi nsèn à banban, nke njù bàn zwe à banban; a be mfà bàn ben ts'a be nkô yub là ntùm miaglo be ndaṅndaṅ.

Yobkwi 144:4

Mènntùn be ndaṅndaṅ à mba ywèt ntshu mèn nà, lé'njù tse nke ntôg mba netshaṅ nà.

Yobkwi 89:48

Kwimte njoṅ ze yôg sàm nsi tswe là, mbèn nkwimte ndù o lo nabte bon mèn nyiaṅtu à num ju banban.

Tànkùt 13:22

Ngaghù mebwô be mfaṅ tshu ts'a bon bon tse. là, bo num ndé' tse nkàb mèn kebwô num nefà mèn netsine.

Tànkùt 23:5

O be nte lag so bwe, a ke bèn mbe nummb'a ghù mbàb mi! A be mfùt ndaṅndaṅ mba sa'mbu' be mfùt nèn kamànyam nà.

Tànkùt 27:24

Nummbe tshunkàb ke' be ghô njoṅ ndù fa, kétmbùm ke bèn nke ntswe matmat.

Nzenu 1:14

Me yà yen njoṅ mfa' fa mi a be tun bam kamànyam nà, nda' ndù njoṅ i fa b'a banban, be bèn nke nta' à fetmbaṅ.

Nzenu 11:10

Kà ghù zwe ntùm ntù o, ke bèn mbam ndù nukebwô tsho num o nummbe nu nguanmèn mba nu njwènmèn b'a banban.

Nzenu 12:13

Miagte tshô: Bin yà ju' njoṅ i fa. Bwôg Nsi mbèn nze ntshù' mi, nummbe yen nà bèn nke ndo' mèn ngù mènntùn yi.

Nzenu 12:8

Nzenu tshob ndù: Banban netèt tshu banban njoṅ tshu fa b'a banban.

Nzenu 2:26

Ṅ, a num mfà zenu, mfà ju nezi'te bo tsiaṅte mèn z'a bwô i là. Là, mbe se' num mèn kebwô, a fà fa' neke nkale, ntse'te fa kà njôg mfà mèn ze nu tse num mbwô Nsi là. Mba njoṅ tshen nà fa b'a banban mbèn mb'a nediag neghom fetmbaṅ.

Nzenu 2:8

Me na' ntse'te nkàb yàme mba gol, tshu ntsi' ba fenfen boa ngô; me na' bèn ngù ghayobkwi tse bandum mba tse bènnzwi. Me na' ghù tshu ngùa benntùn nyiaṅtu, mbèn ngù bwoṅ bènnzwi.

Nzenu 5:14

Ndaṅndaṅ mb'a na' ntum bam màab ke nzwe num i là, a' zi bèn njam a mb'a na' nse' là. A' kwù ke lo' sàm ju num fa' se ndo' nèn yi.

Esaya 55:2

Bin ke nsiaṅ nkàb num ju z'a ke tshwèt nkém wut là numke? Bin ke mfa' num ju ze mèn ke tshwèt njù njwèt là numke? Ndùlala, a bwô bin ju' me, njù ju z'a bwô là, ntù zin nsi jù jujù ntùn.

Lukas 12:26

A be ze bin ke' ku'ni num bontsit tshu là, numke bin nke ndab wut tsin num tsemo' à?

Lukas 12:29

Kà bin ke ndiag ju ze bin nsi jù là, mba ju ze bin nsi nu là; kà bin ghùtni wut tsin num tshen tshu là.

1 Korintô 7:31

ben tse bo tshwèt njù bin njù là be mba bo ke' jù bin nà. Nummbe se yen njù li tshwèt ntshùa.

Yakobo 4:14

bin tse bin ke' lèn ju ze ndamnjù nsi be yi là. Yôg sin b'a ke? Bin b'a ywèt tshaṅ ts'a be ntume, ke ghubte, mbèn mi là.

Yakobo 5:3

Bangùa jù gol mba silba zin, bangùa yub nsi be nkwénta bin, jù mbàb wut zin mba mbwôg là. Bin tse'te nkàb ntùm ba lé'njù mànjam.

1 Pétro 1:24

Nummbe njoṅ mbàb wut fa b'a mba nenà là, njoṅ ghamt'é fa be mba nsàm nenà là; nenà be njume, nsàm mi vù,

1 Pétro 5:7

bin yab njoṅ tsin nelab wut fa num i, nummbe a num nywin num bin.