Yobkwi 39:5 - NTSHOB NSI

⁵ Tshùaben, soṅ dù' ze yôg sàm nsi miagte bwe là. Mfi' yôg sàm b'a njoṅ ndùke, me lèn mba me fùag l'à?

Yobkwi 39:5 Iomraidhean Croise

Neto'te 47:9

Yakob bùnte Faraon ndù: A ndonni ngu'njù bon tat nkù mba me tshwèt ntsha mum njù là. Tshàm ngu'njù yôg kag, ke be mebwô, ke bèn ngebte num tse ba tà tshàm, num njoṅ ngelaṅ fa ze bo ke ntsha mum njù num yub ngelaṅ nà.

2 Samuél 19:34

Mfen tshob Barzillai ndù: Tam njam àm bag wù nène, me nsi kém o Yérusalém, la' àm.

ṄWA'NI YOB 7:6

Lé'njù tshàm ke nèn ndende à mba ṅwi bàm ngaba' bàm nà. Lé'njù tshàm num mbi nsi, yen ngelaṅ nà nenywinte ke bèn mbe.

Yobkwi 144:4

Mènntùn be ndaṅndaṅ à mba ywèt ntshu mèn nà, lé'njù tse nke ntôg mba netshaṅ nà.

Yobkwi 39:11

Bèn mbu mu njam k'a bèn nelab àm, me be ngwù nsi ngelaṅ bu o kwag àm nà.

Yobkwi 62:9

Ngôngô, bin ke njab ntù zin num i njoṅ ngelaṅ fa. Bin gha'te ntù zin mbwe i. Nsi b'a ze be ndàlem.

Yobkwi 89:47

Tshùaben, tà kum à ndùke z'o nsi be ke bèn nelem yag se o njoṅ ndù à? Yantù o nsi ke kù mba mbwôg là tà kum à ndùke?

Yobkwi 90:12

Tswite yag ndù bag lèn nesiaṅ lé'njù tshage. Ndùlala ndù bag yab zenu ntù bag.

Nzenu 1:2

Nzenu tshob ndù: Ju banban netèt tsemo' tshu banban b'a banban.

Nzenu 2:11

Nda' ndù me kaṅ wul àm ndôte njoṅ mfa' fa mi mbu màm na' mfa' là, njen njoṅ mfa' fa me na' njen nge' bwe là, ntshob mbe njoṅ tshu fa b'a banban, mbèn mb'a neta' mfùag, bin ze be mèn jù num tshen tshu là tun bam kamànyam nà ke' be.

Esaya 40:17

Njoṅ ngôngô fa b'a banban mbwe i, bo b'a banban, mi mb'a ka'te num miag mi.

Yakobo 4:14

bin tse bin ke' lèn ju ze ndamnjù nsi be yi là. Yôg sin b'a ke? Bin b'a ywèt tshaṅ ts'a be ntume, ke ghubte, mbèn mi là.

2 Pétro 3:8

Fèt tshàm tse nkôni, a lo ke bwô bin lagte yen ni ndù: Ta' lé'njù ntshù' be mbe Tshùaben à mba ngu'njù ntsha' mbùm nà, ngu'njù ntsha' mbùm be mba ta' lé'njù ntshù' là.