Yobkwi 38:4 - NTSHOB NSI

⁴ Mo' ju ntùn ke ntùm mbàb wul àm, mba num yantù o. Neta ke' bèn mbe num mvôg màm, mba num nukebwô àm.

Yobkwi 38:4 Iomraidhean Croise

Esdra 9:6

ntshob ndù: Nsi àm, me b'a ntùm tuswe, tuswe nke nko àm me Nsi àm, nebù' se àm nsi ndôt'o. Nummbe mfànnu mag kabte yage, nukebwô yag ko' tà nkum mfe kamànyam.

ṄWA'NI YOB 33:19

A num ntshùa ntùm sobni Nsi zi'te mènntùn num kunndà se, ngù mvôg mi nke mfèl i ntùm wul i.

Yobkwi 107:17

Kagni lo tshùa njam nzin mub mi kebwô, mba njam nukebwô tshobe, ntù' ghayennge'.

Yobkwi 40:12

Wù Tshùaben! O ke nsi gha kondèn o me. Kondèn o mba yu nenùn nsi ke béb àm njoṅ ndù fa.

Esaya 53:11

A nsi lôte ntàm mfa' mi, dun tsiaṅte. Mèn netsine, ngafa' àm, nsi ghù benntùn yàm be ben netsine, njam nelèn ze bo lèn i yi là; tu wul i nsi ket mfànnu mube.

Nsindàvù 1:14

Bu i bèn nkut kele' nukebwô tshàm. Nukebwô tshàm fa be ntamte nko' ntswe num kekol àm. A be' yàm neta. Tshùaben swèn àm mum mbu mi me ke' ghù netam mvèt bwe là.

Lévitiko 7:18

A be ze mèn fèt mbàb ze jule'te z'a tshwèt nda'te ndù mèn tamte bo Tshùaben num mbatte lé'njù tat là, mba bo gha yen jule'te là; mba bo ke lôte mèn z'a fà yen jule'te là. A b'a ju z'a bagte là, mbe ndù mba we lo z'a fèt là nsi ket nukebwô i.

Matio 11:28

Bin se' me njoṅ zin fa tse bin bole, mbèn nket lèt là, tu wul àm m'a' fà fite bin.

1 Pétro 2:24

yi z'a ket nukebwô ntùm wul i num fanta'tù ndù a fagte be num nukebwô, ngù be yôg num nunetsine, yi ze ntshu mfaṅ tse ghù bin yate là.