Ngatshu' o, Tshùaben tshob ndù: Ntùm ta' ngelaṅ yantù, me lo tsho' se àm num o num mo' metsit ngelaṅ. Là, ntùm nkôni ze me ghù num o là, me nsi ko ndèn mu.
Tshùaben tshob ndù: Tshù, bag bin bèn mbe, ndù me tshu' zine. Me nsi biagte njoṅ ngôngô fa tse me na' ntum zin netèt bwe là. Mba bin nà, me ke nsi biagte zine. Me nsi yab nu num bin à njoṅ, nummb'a be me ke faṅ zin à banban ndùlala.
Tshùaben, me ju' ju z'o tshob là, wul àm fét num fa' so me Tshùaben. Ghù fa' so tswite wul i ntùm ngu'ngu'. Là mba ntùm yantù o, a bwô ndù o kwimte kondèn o.
Nummbe wul àm lo fét num yantù bo tshùagntù ze me yen Tshùaben ghù num bin, kà nke ntù' diag a nda' nebiagte zin fa là. Nda' ndù Tshùaben bèn nju' le't'àm mba yen yoṅ i li.
