Yobkwi 37:3 - NTSHOB NSI

³ Yab ntù o num Tshùaben, ngù numebwô. Lo' ngô ngù dù'ntswe yi, jù ju, njôg ntùm fite.

Yobkwi 37:3 Iomraidhean Croise

Neto'te 26:2

Tshùaben tèt Isak ntshob yi ndù: Kà swe' nèn mà Egipto, tswe ntùm ngô ze me nsi tshob wù là.

Neto'te 26:3

Tswe mum yen ngô li. Me nsi be bag wù, yab kàn wù, nummbe me nsi fà tshen ngô li wù mba nzwil o, me nsi ghù ndù nu ze me na' nka' tàan Abraham nà bumte;

1 Fenfen 19:6

A lôte njen tag mbaṅ tu i ndù bo tont'a num ndoṅ nedume, bo tshaṅ ntse. A jù jujù, nu ntse, mbèn nô nsi.

Yobkwi 26:1

Yobkwi David. Tshùaben ghù nunetsin me! Nummbe me ke nzin à ntùm mebwô. Me yab ntù àm num Tshùaben, me ke zi ntiage.

Yobkwi 33:19

Ndùlala ndù a kwé yôg sob vù, ngù bo ke njôg ntùm kekua.

Yobkwi 4:5

Bin vètte, ke bèn neghù nukebwô. Bin tshob nu yi ntù bin num nkunndà mine, mi ntswe.

Yobkwi 62:8

Yôg sàm mba ghamt'àm ke mb'a num Nsi. A b'a ngabloṅ z'a be nkabt'àm nà, yàm ndàlem b'a num Nsi.

Tànkùt 3:5

Yé'te num Tshùaben ngô ntù o fa, ntshùa neyé'te num ko' yu zenu.

Esaya 40:11

A nsi tshagte bwoṅ nyàm i mba ngabéb mbwe là; a nsi ket njùmbwe num ndaṅ bu i, kab yub ndàntù i. A nsi tshagte mbwe tse bo tshwèt nyô bon nà.

Esaya 50:10

Mba we lo netèt bin z'a tshwèt mbwôg Tshùaben nà ju' nze ngafa' i! Mba we lo z'a tshwèt nzin ntùm njame, nelàn bwoṅ yi là yab ntù i num lén Tshùaben, nke njé'te num lén Nsi i.

Lukas 22:35

A tshob ghazi'te nu i ndù: Ngelaṅ ze me tum zin ke mfe', ke bàm, ke nketo' là, bin lo bwoṅ ju ké? Bo tshob ndù: Nga.

Nebwôgte 30:20

nke nkô Tshùaben Nsi o, nke nju' nz'é, mbèn nke ndat wut num i. A nsi tshùa ndùlala lé'njù tsho tènte, o bèn ntswe ntùm ngô ze Tshùaben na' ntshob nsaṅlaṅ num bwe tà tsho Abraham, Isak mba Yakob nefà bo là.

1 Samuél 26:19

A bwô ndù mfen, tshùaben àm bam neju' ntshob ngafa' i: A be ze Tshùaben bèn nke ntènt'o num àm nà, mb'a bwô ndù a bam labinda bwôntù li; là, a be z'a b'a benntùn bèn nke ntènt'o là, mb'a bwô ndù ndon tsho tu bo mbwe Tshùaben. Nummbe bo tshwèt nta' àm sènni num nesô àm num ntsi' Tshùaben, nke ntshob me ndù: Nèn mfa' tse nsi ba tum.