Yobkwi 34:8 - NTSHOB NSI

⁸ Angél Tshùaben be ntswe ben bo be mbwôg Tshùaben nà, nkwé yub bu nge'.

Yobkwi 34:8 Iomraidhean Croise

Neto'te 48:16

A bwô ndù Angél z'a na' nsô àm mum nge' là yab kàn tshen bonnshum ni. A bwô ndù lén sàm, se tà tshàm Abraham bo Isak tshùa njam bo nju'ni. A bwô ndù bo bwe, njàm ntùm ngô!

Yobkwi 119:103

Ntshob mu dùm ntshu àm neshu, ndùm ntshùa ṅwa' mum ntshu àm.

Yobkwi 2:12

bin tate nku mi, mbwôg ndù k'a ya ntù, ndù kà bin bi num zin manze. nummb'a tù' mén nda'nda' yantù i kame. Mènfen b'a mèn z'a be njab ntù i num i là.

Yobkwi 36:10

Nummbe tumnsi ntse yôg b'a mbaṅ o. Bag ke ntshùa njam yu nka' kà njen nka'.

Yobkwi 36:7

Yu nunetsin be à mba mbat Nsi là, tsho tsho'te ntsha be mba ghem ndùb là. Tshùaben, o be ntomte benntùn mba ba nyàm.

Yobkwi 52:1

Ntshagte yobkwi. Yobkwi David.

Yobkwi 63:5

Ndùlala me nsi ke ghamt'o njoṅ ngelaṅ fa me tshwèt njôg là. Me nsi ke bù' mbu màm tù num lén so.

Yobkwi 84:12

Nummbe Tshùaben Nsi b'a lagnyam mba tshètntsho. Tshùaben be mfà kondèn mba ghamte. A ke' be gha sàm numebwô ben tse bo be nzin ntùm nenùn nà.

Nkwi Nkwi 2:3

Ndaṅndaṅ mba tù tàm be netèt ntù mi a be fèn nà, a b'a ndaṅndaṅ mba ndu àm ze me num nkô i be netèt bon bandum nà. Me num nkô, mba m'a' tswe nsi bam netshaṅ i, tàm se bèn mbwô ntshu àm nejù.

Nkwi Nkwi 5:1

Ménnshum bùnte ndù: Mfèl àm ze mènnzwi, nzwi àm ze me ka, me tsho ntùm nka' àm. Me kàb mire, ndo' mfèt nelamte. Me tshwèt njù sàm kub ṅwa' bo yàm ṅwa'a. Me tshwèt nu màm ndu' bo màm mbùn. Shun tshàm, bin jù, nu, mbum nkôni.

Yérémia 31:14

Tshùaben nsi ghù ghale'te ywèt nzile, yàm nzwit mèn ywèt tshu ts'a be tshàm nà. Tshùaben bèn ntshobe.

Daniel 3:28

Nébukanetsar tshob ndù: Ghamte be Nsi Sadrak, Mésak mba Abed-Négo, nummb'a lo ntum Angél i, njôg ghafa' tse tse bo yab ntù num i, mfàn ntshù' mfen nà. Bo bam nefà wut tshob ntshùa nefa' ke neghamte mo' nsi ghua kà ke b'a nda' yub Nsi.

Sakaria 9:17

Tshù mba bo nsi bwô njene, tshù mba bo nsi ziag njene! Ngefet nsi ghù nshumnshum ku'u, ndu' nedùmte ghù ngonngon ku'u.