Yobkwi 32:7 - NTSHOB NSI

⁷ O b'a yàm ndàlem, o bam ndù o nsi tshètt'àm num nge'. O lo' njobkwi netshu' àm yi ndiaṅ àm yi mbume.

Yobkwi 32:7 Iomraidhean Croise

2 Samuél 22:1

David yob sen kwi li Tshùaben ndùs'a na' ntshu' i mum mbu njoṅ ghakeban tse fa mba bu Saulo là,

Yobkwi 119:114

O b'a yàm ndàlem mba yàm tshètntsho. Me be nywinte num nka'ni o.

Yobkwi 143:9

Tshùaben, tshu' àm bu ghakeban tshàm, me nsi lem à mbaṅ o.

Yobkwi 18:5

Ndam vù lo lam àm, fet vù lo kag fétwut num àm.

Yobkwi 27:5

Nummb'a nsi kabt'àm ntùm ntàb i mum lé'njù nge'. A nsi lem àm bam netshaṅ ntàb i. A nsi te àm num ngabloṅ.

Yobkwi 31:20

Tshù mba bwôntù o zi njene, bwôntù z'o lé' nefà ben tse bo be mbwôg o, z'o be nkwé nta ben tse bo be ndiag yub dù' lem num o yi, mbwe bon mèn nyiaṅtu là!

Yobkwi 32:10

Ya yàm num tshùagkèt mèn, là mèn z'a be njab ntù i num Tshùaben nà, kondèn Tshùaben lam i mbume.

Yobkwi 40:3

A lo sô àm ntùm gheme, ntùm gheme nebagte, mà ntùm netob. A te nku màm num ngabloṅ, ngù nku màm ta nsi.

Yobkwi 5:12

Tsiaṅte be njoṅ benntùn fa tse bo be ndem num o là, ṅwate be ben ts'o be ntshètte yub là, ben tse bo be nkô lén so là be ntsiaṅte num o.

Yobkwi 9:9

A lo' nunetsin ntsho'te njù yi, a keb ntsha ngôngô ntùm nu ndaṅndaṅ.

Yobkwi 91:1

We z'a be ntswe bam netshaṅ Nsi z'a tà mfe tù, nke mfite bam netshaṅ Nsi Nganeta à?

Yobkwi 98:1

Bin yob kwi nswe mfà Tshùaben! Nummb'a ghù mfa' nekuni, bu i ze zwim mba bu i ze nelàn ywimt'é.

Yérémia 36:26

Mfen tshob Yéraméel, nshum i, ntshob Séraja nshum Azriél, bo Shélémia nshum Abdel, ndù bo ghom Baruk ngakite bo Yérémia ngatshob ntshob Nsi. Là Tshùaben lem yube.

Kolosé 3:3

Nummbe bin kwù, yôg sin lem bo Kristô num Nsi.

Apokalipse 7:10

Bo kua' nze neta ntshob ndù: Yôg b'a njam Nsi yag z'a tswe num ko'fen nà, mba njam mén njùmbwe.

Ghasa'kame 5:1

Num sen lé'njù là, Débora bo Barak nshum Abinoam yob sen kwi li ndù: