Yobkwi 32:5 - NTSHOB NSI

⁵ Me lo ghù o lèn nukebwô àm, me lo ke lem mfànnu màm. Me lo tshob ndù: Me nsi bam mfànnu màm Tshùaben! O lo bwete ngùtni nukebwô àm.

Yobkwi 32:5 Iomraidhean Croise

2 Samuél 12:13

David tshob Natan ndù: Me ghù nukebwô num Tshùaben! Natan tshob David ndù: Tshùaben lagte nukebwô o, o ke nsi kwù.

2 Samuél 12:9

Ndùlala, o wag ntshob Tshùaben, ngù nu z'a ke' bwô là num miag mi à numke? O lo' ṅwi ndab Uria mén Hit yi kà nzwi i; o lo' nzwi i ngù nzwi o yi, ngù ṅwi tse nshum Ammon zwi i.

2 Samuél 24:10

David ju' ntù i nke ntam ndùs'a miagte nesiaṅ benntùn nà. Ndùlala a tshob Tshùaben ndù: Me fàn nu kua' neshu mba me ghù yen nu là là. Tshùaben, ndonni a bwô ndù o lagte mfànnu ngafa' o, nummbe me ghù yen nu l'a ntùm femni!

2 Samuél 24:17

David yen Angél z'a ke nzwite benntùn ntùm ngô là, ntshob Tshùaben ndù: Tshù, me ghù nukebwô. A b'a me bèn mbe ngafànnu; ke ze tshen ben ni ghù yub à? A bwô ndù o bù' bu à num àm mba num tunndà tàa!

1 Fenfen 8:50

Lagte nukebwô yu nzwit mèn boa njoṅ mfànnu mi fa mi a ghù num o là. So kondèn ntù ben tse bo tshùb yub ndà kuan nà, ndù bo ko ndèn mube;

2 Kronika 6:29

a be ze ta' mèn, a be ze njoṅ yu nzwit mèn Israél fa ke nde't'o, nke ma' mbu wù, mba we lo lèn ze mfaṅ, nyit mbu mi ntshag num yen ba' li là,

Esdra 10:11

Ndonni a bwô bin lèn nukebwô zin mbwe Tshùaben, Nsi tà tsine, mbèn ngù mb'a tshwèt nkô là. Bin sô wut zin num ba la', mba num zwi tum.

ṄWA'NI YOB 31:33

Me lo ke to' lem tshàm mfànnu màm mba tsemo' ben nà. Me lo ke lem nukebwô àm ntù àm.

ṄWA'NI YOB 33:27

A num ntsiaṅte mbwe benntùn nke ntshob ndù: Me lo ghù nukebwô, mbagte nu z'a tsin nà, là Nsi ke ghù m'a ndaṅndaṅ mba nukebwô tshàm be yi là.

Yobkwi 103:12

Ndaṅndaṅ mba ntumnyam nèn ngùanesà num bag mbinyam nà, a be ntshag mi be mfànnu ngùanesà be ndaṅndaṅ.

Yobkwi 103:3

Yi z'a be ndagte njoṅ nukebwô tsho fa, yi z'a be njate njoṅ ngokèt tsho fa là.

Yobkwi 25:16

Lôt'àm, ko ndèn màm, nummbe bo ghua' àm, me tù' ngayennge'.

Yobkwi 25:18

Yen nge' àm mba ngùtni àm. Lagte njoṅ nukebwô tshàm fa.

Yobkwi 30:5

Bin yob kwi mfà Tshùaben, bin tse bin be nkô i là. Bin ghamte nelàn i ntùm zin nenyàmte.

Yobkwi 38:18

Nummbe me tù' ke nevù nsi, yàm ya ke mb'a be mbwe àm njoṅ ndù fa.

Yobkwi 38:19

Nummbe me bam mfànnu màm, me tshwèt mbwôg num nukebwô àm.

Yobkwi 51:6

Me ghù nukebwô à wù tù' wù, ngù nu z'a ke' bwô là num miag mu, ndùlala o b'a mèn netsin ntùm nkeb ntsha mu, yu tsho'te ntsha b'a kelo'.

Yobkwi 86:15

Là, wù Tshùaben, o b'a Nsi kondèn mba Nsi tshàmndèn, ndù o be ndèt wut num yantù, mbe ngafu' ntùm bwôntù nenùne.

Yobkwi 86:5

Nummb'o b'a mèn mebwô me Tshùaben, o be ndagte. O dun nkôni num ben tse bo be ntsiaṅ lén so là.

Tànkùt 28:13

Mèn z'a lem mfànnu mi là ke' be nèn mbwe, mèn z'a num mbam mfànnu mi, nkag nsi là num ngù kondèn.

Tànkùt 30:20

Tshù mba ze manze kattù mènnzwi be là: A num njù ntshwét ntshu i, ntshob ndù: Me ke' ghù tshàm nukebwô!

Esaya 65:24

Me nsi bùnte bo ke be ndù bo yoṅ ntsiaṅ àm. Me nsi ju' le'te yub ke be ndù bo yoṅ ntsin ntshob nu me.

Yérémia 2:23

B'o tshob mb'o ke' sagte wul o, ke tam njam Baal à ndùke? Lôte ntshùa mu boa nku mu mà tômbo'o, ndèn ju z'o ghù là be yu tu, wù nyàm neket lèt z'o fùage, mbe tshakendà là.

Yérémia 2:35

Mba ndùlala, o nke ntshob ndù: Kua' nenùn me be tshàm à mbu'u. Mo' ndù yantù Tshùaben ke' bèn mbe num àm tshàm. Là, me Tshùaben tshob wù ndù bag wù nsi te tantshu nsi, nummb'o tshwèt ntshob ndù o ke' ghù tsho nukebwô.

Yérémia 3:13

Lèn nda' yu nukebwô. Lèn mb'o lo nèn bag bag njam tse nsi ba tum, bam mba sit tù fi lo. Lèn mb'o lo ke ju' yàm nze. Tshùaben bèn ntshobe.

Yérémia 31:20

Là Efraim ke b'a mén ze me num nkô i là ké? A nshum àm ze me be nkô i neshu là. Me num njoṅ ntshob kebwô num i, mbèn nkwat'é be kua' ndende ntù àm. Me nsi ko ndèn mi, nummbe ntù àm tshwèt ntam num i. Tshùaben bèn ntshobe.

ṄWA'NI OSÉ 6:1

Bin se' be bèn njam ntèt Tshùaben, nummb'a lo sé'te, là a yi bèn yate be; a be z'a lab be là, mb'a yi bèn kut mfaṅ num be.

Lévitiko 5:5

Ndùlala mèn z'a nsi fàn mo' ju netèt tshen nà là nsi bam mfànnu mi, lèn nukebwô z'a ghù là.

Malashi 3:8

Be mènntùn fùte Nsi ké? Nummbe bin be mfùt'àm, nke ntshob ndù: Bag fùt'o à num zit nu à? Mum bag tshu ntshù' num bag tse gham mba mum ba nda'.

Lukas 16:15

A tshob bo ndù: Bin b'a ben tse bo num ndo' wut tshob mba ben netsin num miag benntùn nà, là Nsi lèn ntù tsine! Ju z'a b'a ze ndùb mbwe benntùn nà, a num mb'a ṅu' mbwe Nsi.

Lukas 7:47

A ndùlala, me tshob wù ndù nukebwô tse ts'a yàm nà mi, nummbe a kô neshu. Là mèn ze bo num ndagte yi metsili là num nkô metsili.

Efésô 4:32

Bin be ben mebwô mba ghakondèn, bin bin, mba Nsi lagte nukebwô tsin num Kristô là.

Yoshua 7:19

Yoshua tshob yi ndù: Nshum àm, fà ghamte bo nyàmte Tshùaben; tshob nunenùn num ju z'o ghù là Tshùaben Nsi Israél. Kà lemt'é sàm ju.