Yobkwi 32:11 - NTSHOB NSI

¹¹ Ben netsin, bin tsiaṅte num Tshùaben, mbe ntùm ṅwate. Bin tse ntù tsin làn nà, bin fà nze zin tù ntùm tsiaṅte.

Yobkwi 32:11 Iomraidhean Croise

Yobkwi 125:4

Tshùaben, ghù numebwô ben mebwô, ben tse bo ghù ntù ndaṅndaṅ nà.

Yobkwi 32:2

Mènfen b'a mèn ze Tshùaben ke' be siaṅte mfànnu mi, ze sàm fùte ke' be ntùm ntù i là.

Yobkwi 33:1

Ben netsin, bin tsiaṅte num lén Tshùaben! Ghamte be mbe mebwô ben tse bo ghù ntù netsin nà.

Yobkwi 5:11

Nsi, lo' yub mba ghavù ntsha là, ghù bo vù nsi ntùm njabnu mube, ta' yub mbwe o num nukebwô tshob ts'a yàm neshu là. Yoṅ yub mbwe o num tatu yube.

Yobkwi 64:10

Bwôg ghom njoṅ benntùn fa, bo nke nsoṅ ju ze Nsi ghù là. Bo nsi ju' ju z'a ghù là.

Yobkwi 68:3

O be mbiagte yub ndaṅndaṅ mba nzembwôg mi a bite là. Bo be njag ntùm mbwôg ndaṅndaṅ mba nyiaṅṅwa' là. Ghatshùagntù be mbi mbwe Nsi.

Yobkwi 7:10

Ghù ndù nukebwô ghaghù kebwô mi, fà tànntù ntù mèn netsine, wù Nsi netsin z'o be ndiag ntun num ba ntù boa ba zwe' là.

Yobkwi 97:1

Tshùaben tshwèt nsa' njù; tsha' tswe ntùm tsiaṅte. A bwô ndù ba ngô tètntse ts'a yàm nga' mbu là tsiaṅte.

Yobkwi 97:12

Ben netsine, bin tsiaṅte num Tshùaben, bin ghamte, nyàmte lén se se nelàne.

Yobkwi 98:4

Bin tshag nze zin Tshùaben tù ntùm tsiaṅte, njoṅ zin fa tse bin be ntswe num nsitsha' là. Bin ghù ndù zin ṅwate tum tù, bin yob kwi.

Sakaria 4:7

O b'a we mbwe Zorobabél mbat ndùb? O nsi tù' tômbo'o. Zorobabél nsi be yab loṅ s'a num tù, s'a sô ntùm mbat là tshu'te be, nke ntshob ndù: Me labte? Me labte num bwe.

Roma 5:11

Ke b'a nda' ndùlala, bag à bin num nta' nsoṅ num Nsi ntshùa njam Tshùaben be Yésu Kristô z'a fà netamte be fe ndonni là.

Nebwôgte 12:12

A bwe là ze bin nsi tsiaṅte mbwe Tshùaben Nsi zin, bin, tsin nshum mba tsin ngon, ghafa' tsin tse bandum mba tse bènnzwi, mba mén Lévi z'a be la' bin nà; nummbe bin à bo ke bèn ngù ju ke ntsi' lo.

Filipi 3:1

Fèt tshàm, ndonni bin tsiaṅte num Tshùaben. Me ke' be lô nekite be tshu ntshù' bin, nummbe a' tomte zine.

Filipi 3:3

Nummbe bag à bin bèn mbe nesi ket ze nenùne, be tse be num mfa' ntùm Ywèt Nsi là, be tse be num nta' nsoṅ num Kristô Yésu, be tse be ke' be nywinte num mbàb wut là.

Filipi 4:4

Bin tsiaṅte num Tshùaben njoṅ ngelaṅ fa, me tshob bin mo' yoṅ i ndù bin tsiaṅte!

1 Samuél 2:1

Ana le'te Tshùaben ntshob ndù: Ntù àm tshwèt ntsiaṅte num Tshùaben, Tshùaben lo ghù me bù' tu àm tù me lo gha' ntshu àm num ghakeban tshàm, nummbe me tshwèt ntsiaṅte num ywimte Tshùaben.