Yobkwi 31:2 - NTSHOB NSI

² Tshùaben! Me ke ndiag yàm ndàlem à num o. Kà bam ndù tuswe zi nko àm! Tshu' àm num yu nunetsine.

Yobkwi 31:2 Iomraidhean Croise

2 Samuél 22:3

Nsi b'a sàm gholoṅ dù' me num mfon ndàlem bwe là. A b'a yàm tshètntsho, mbe neta z'a num njôg àm nà. A b'a ngatshètt'àm, mbe ngatshu' àm. Ngayôg àm, o num ntshètt'àm num nu nefètte lem.

ṄWA'NI YOB 7:21

Numk'o ke lagte nukebwô àm à? Numk'o ke lagte mfànnu màm à? Nummbe me nsi nô ntùm mbabe. O nsi diag àm, me be ke bèn mbe.

Yobkwi 102:2

Tshùaben, ju' le't'àm, nju' nkua' màm a se' tà nkum mbaṅ o!

Yobkwi 130:2

Tshùaben ju' mba me tsiaṅ o là. A bwô ndù o kù' ntoṅ nju' nze tshàm le'te.

Yobkwi 143:7

Tshùaben, se' nde mbùnte me, me b'a ntshufi, kà lem àm se o, mba me nsi be netèt ben tse bo nèn mum tô là.

Yobkwi 25:2

Nsi àm, me ke njab ntù àm à num o, kà bam ndù tuswe ko àm. Kà bam ndù ghakeban tshàm tsiaṅte num àm.

Yobkwi 40:17

A bwô ndù njoṅ benntùn fa tse bo be ndiag o là be ntùm ṅwate, mbèn nke ntsiaṅte num o! A bwô ndù ben tse bo be nkô so yôg là ke ntshob ke tsin ndù: Ghamte be Tshùaben!

Yobkwi 62:7

Ṅ, a b'a nda' yi bèn mbe yàm ngabloṅ mba ngayôg àm, yàm mà neta ndàlem. Me ke nsi zi tiag tshàm.

Yobkwi 69:17

Tshùaben, bam le't'àm, nummbe kondèn o zi neshu. Tshùa njam kondèn o ze ndùb ntam lag so num àm.

Yobkwi 7:2

Tshùaben Nsi àm, o bèn mbe yàm ndàlem, kwé àm bu ben bo tshwèt ntsho' nku màm kebàn nà, tshu' àm.

Yobkwi 79:1

Yobkwi Asaf. O Nsi! Ba tum lo' ntsi' mu. Bo bagte ndà o ze nelàne. Bo lo' Yérusalém ngù fèt ndoṅ yi.

Yobkwi 86:1

Le'te David. Kù' toṅ nju' àm, mbùnte me! Nummbe me b'a ngayennge' mbe mbwoṅ.

Yobkwi 90:1

Le'te Mosé, mèn Nsi. Tshùaben, o na' mb'a yag ndàlem. Ndùlala ngu'ngu'.

Yobkwi 91:9

Nummb'o b'a yàm ndàlem me Tshùaben! O be ndo' Nsi z'a tà mfe tù là ngù yu ndàlem yi.

Yobkwi 94:22

Là Tshùaben b'a yàm ndàlem. Nsi àm b'a gholoṅ mba ze me be ndem bwe là.

Tànkùt 22:17

Kù' ntoṅ nju' ntshob ghazenu, yab ntù o num yàm nesiaṅte.

Esaya 33:16

a yen mèn nà nsi bèn tswe dù' ts'a ṅate là. Ngondoṅ mi a féb nsi mebwô là nsi be ze ndà lem. Bo nsi fà jujù yi, ntse be ke mbwoṅ yi njoṅ ndù fa.

Lukas 18:8

Me tshob bin ndù mb'a' ghù nunetsin bo be kua' ndende. Là ngelaṅ ze Mén mèn nsi se' là, a nsi fon bamntù num nsitsha' ké?

Yohané 6:56

Mèn z'a fèt mbàb wul àm, mbèn nu lem tshàm nà ghô num àm, mba me yàm ghô num i.

Nebwôgte 32:31

Nummbe sob gholoṅ ke' b'a mba se be là. Ghakeban be lèn kua' ndùlala.

1 Yohané 4:12

Sàm mèn ke' to' yen Nsi; a be ze be num nkôni be be là, mba Nsi ghô num be, nkôni i bwô miagte num be.