Yobkwi 30:5 - NTSHOB NSI

⁵ Bin yob kwi mfà Tshùaben, bin tse bin be nkô i là. Bin ghamte nelàn i ntùm zin nenyàmte.

Yobkwi 30:5 Iomraidhean Croise

Neto'te 32:24

Ndùlala Yakob tù' tù' i. Tshù, mo' mèn zwe zwe' bo yi tà nèn nkum mfôgnjù.

Yobkwi 103:17

Là bwôntù Tshùaben num ben tse bo be mbwôg i là, njoṅ ndù fa. Nunetsin ke be mi num bon mba bon bon tshobe,

Yobkwi 103:9

A ke' be ta ntshu ke ndù i, a ke' be lôte nukebwô be kà ngù nu num be,

Yobkwi 143:8

Ghù ndù me ju' kondèn o fe nkebnjù, nummbe me yab ntù àm num o; ghù me lèn manze ze me zin bwe là, nummbe me ke mfà ntù àm à wù.

Yobkwi 145:10

Tshùaben, a bwô ndù mfa' mu ghamt'o, njoṅ ben tsho tse nenùn fa ghamt'o;

Yobkwi 16:11

O nsi ghù me lèn manze yôg. Tsiaṅte gha' mbu mbwe o. Yôg mebwô z'a tswe matmat là num num bag bu o ze zwim.

Yobkwi 46:5

Nku ta'ntse be ngù ngô Nsi nke ntsiaṅte, dù' nelàne, dù'ntswe Nsi z'a tà mfe tù là.

Yobkwi 47:7

Bin yob kwi mfà Nsi, bin yobe, bin yob kwi mfà mfen be, bin yobe.

Yobkwi 59:16

Bo be ntsha, nke nèn bag bag, nke ndiag jujù. Là nke nzi ke be ndù bo jù njwèle.

Yobkwi 63:3

Ndùlala me be nze o ntùm ndà nelàne, ndù me yen neta o mba ghamt'o.

Yobkwi 97:12

Ben netsine, bin tsiaṅte num Tshùaben, bin ghamte, nyàmte lén se se nelàne.

Netume 3:15

Nsi bèn ntshob Mosé ndù: O nsi tshob bon Israél ndù: Tshùaben Nsi tà tsine, Nsi Abraham, Nsi Isak, Nsi Yakob bèn ntum àm mbaṅ bin. Tshù lén sàm nà num njoṅ zwiaṅ njù fa, a mba bo nsi tù' ke ntsiaṅ àm nà.

Esaya 12:1

O nsi tshob sen lé'njù là ndù: Me nyàmt'o me Tshùaben. Nummb'o lo ya ntù num àm, ndonni ntù o fite, o nke ntagt'àm.

Esaya 26:20

Yàm nzwit mèn, nèn ntsho ntùm to'ndà o, mfùn nzendà num o. Lem wul o num tsemo' bon ngelaṅ, tà nkum ndùse yantù nsi tshùa là.

ṄWA'NI OSÉ 6:3

be lène, ndèn nediag Tshùaben. A tshwèt nse'e, ndaṅndaṅ mba mfôgnjù z'a be a ke tag ke se' là; a nsi kum num be mba mbaṅ nà, mba njwèt mbaṅ z'a be nzwi' tsha' là.

Matio 5:4

Ghafen b'a ben tse bo tshwèt nkua' là, nummbe Nsi a' ghù mfite ntù tshobe.

2 Korintô 4:17

Ntùm mfi' ke ndù i, metsit nge' z'a num ntôg là, num nabte nkuni ndùb mi a tswe yoṅ ntshù' là, num bag,

Apokalipse 22:1

A la'te mo' ta'ntse yôg me ndù a be ṅwa'ṅwa' mba Kristal là, men ntse là ke ntum à num ko'fen Nsi mba mén njùmbwe,

Apokalipse 22:17

Ywèt mba ngon tshob ndù: Se'e! A bwô ndù mèn z'a tshwèt nju' là tshob ndù: se'; a bwô ndù mèn ze ntù i kù là se'e; a bwô ndù mèn z'a kô là kwé ntse banban.