Yobkwi 30:4 - NTSHOB NSI

⁴ Tshùaben! O lo ghù zwiag sàm ko' mà ntùm ngô fe ben. O lo ghù me bèn njôg ngùanesà mbaṅ ben tse bo swe' nèn ntùm tô là.

Yobkwi 30:4 Iomraidhean Croise

1 Kronika 16:4

A fà fa' nefa' mbwe Koṅ Kàn Tshùaben, netsiaṅ lén se, neghamte bo nenyàmte Tshùaben Nsi Israél ntùm mbu ben Lévi.

Yobkwi 107:20

A tum ntshob mi, num neyate yub yi, mba nebébte yôg sob yi mum tô.

Yobkwi 132:9

A bwô njoṅ ghale'te Nsi fa tse bo b'a tsho là ma' nunetsin num bo, ben tsho tse nenùn ke ntsiaṅte.

Yobkwi 148:14

A lo la'te neta ze nzwit mén, tunu ghamte num njoṅ tse benntùn fa, num bon Israél mba ngô z'a mbaṅ i là. Aléluya!

Yobkwi 28:1

Yobkwi David. Tshùaben, me ke nkua' à wù. Ngabloṅ sàm, ju' nz'àm, kà vù mbu'u, mbwôg ndù a be z'o nèn ngùanesà ke bùnte me là, kà me tù' mba ben tse bo be nswe' ntsho ntùm tô là.

Yobkwi 32:11

Ben netsin, bin tsiaṅte num Tshùaben, mbe ntùm ṅwate. Bin tse ntù tsin làn nà, bin fà nze zin tù ntùm tsiaṅte.

Yobkwi 50:5

Bin tse'te ben tshàm tse nenùne, tse bag à bo wat kàn njam jule'te Nsi là.

Yobkwi 86:13

Nummbe kondèn o b'a ze ndùb num àm. O be ntshu' ntù àm tà mà njam ngô fe ben.

Yobkwi 97:12

Ben netsine, bin tsiaṅte num Tshùaben, bin ghamte, nyàmte lén se se nelàne.

Netume 15:11

Tshùaben, we z'a be mba wù, netèt ba nsi à? We z'a be mba wù, mbe mèn nelàn à? O be nkuni nenyàmt'o, O bèn nke ngù nsà.

Esaya 6:3

Bo nke ntshag nze yub tù, mo' nke ntshob mo' ndù: Nelàne! Nelàne! Nelàne b'a Tshùaben tàndà ntsho, nkuni mi dun num njoṅ nsitsha' fa.

Apokalipse 4:8

Tshen tshu ntùn kuà là, mba zit lo netèt bo ghù mbàb ntôge, ndun miag ndiaṅ mbume, mba ntùm bwe; ke be tsin neke ntshob mbwôgtshù mba tèttswe' ndù: Nelàne, nelàne, nelàne b'a Tshùaben Nsi, ngatô njù, z'a na' mbe, z'a be, z'a tshwèt nse' là.

1 Samuél 2:6

Tshùaben be nzwi mbèn mfà yôg, a be ngù mèn nèn tà ntùm fi, a bèn nsô i bwe nko' yi,